Rroman 2:4 - Samburu

⁴ Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

Rroman 2:4 ပူးပေါင်းရင်းမြစ်များ

Rroman 10:12

Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye.

Rroman 11:22

Teyielo naa ajo, kenana ocheke Nkai nericho. Kericho too lolo ooterriete, nenana ocheke te iyie tiniwuon taatua supaticho enye. Naa tiniminko nejia niking'eruni sii iyie,

Rroman 11:33

Kebaa siake nguton e parakuoicho o ne ng'eno o ne inia naa nemeitoki meyielo ꞉Nkai! Meidimai payie iyielou aichu mbaa naadung Nkai, nemeyielounoi nkoitieii enyena!

Rroman 3:25

Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.

Rroman 6:1

Ikijuaa naa taata iyioo? Ikipuo kue aas ng'ok payie eponari munyani e Nkai?

Rroman 6:15

Nyo naa aitoki kijo iyioo? Ikijo, <> Nakaiting'o! Mikijo nejia!

2 Lkorinto 8:2

Ketetemaki ninche oleng te sina oimaitie, kake kore eyia, keisapuk oleng ng'ida enche naa kore era loomena oleng, neitaitua nkichoorot enche te leng'on kitok tankaraki naitaitua ate.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 2:4

Kake keisapuk lng'ur le Nkai, necham iyioo oleng,

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Epeso 3:16

Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Lpilipi 4:19

Naa kore inia Ai naisiaita, keicho ntae ntoki pooki nabana niyieuu to murdaicho enye aimu Laitejeunoni Yeso.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

1 Timoti 6:17

Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

1 Petero 3:20

amu kore lolo tauja naa ketanya apa ening Nkai, eanyuta ninche te ng'iriata ta nkata apa nachetita Noa meli. Lkuni tung'ana ake isiet ootijing'a, neitejeunyieki nkare.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

2 Petero 3:15

Enkena aajo keng'iri Laitoriani payie ejeu ltung'ana! Naa nejia apake etiaka ntae lalache lang Paulo likicham, payie eigeroki ntae te ng'eno naichooki ninye.

2 Petero 3:3

Kore nalang pooki enteyielo nchere, kepuku ltung'ana oikordodicho tee mperot e nkiting'oto. Naa kore ninche keirukurukore ng'uarrat enche aaikordodicho

2 Petero 3:9

Kore Laitoriani naa mara keimalmal eitu eitabaya lekutuk lenye, ana nayaita lkulikae tung'ana aajo keimalmal. Keng'iri Nkai taa ntae amu meyieu payie eatae lkuti ooidaari, kake payie etum pooki ng'ae airriidu.

Mbolunoto 2:21

Kaichoo apa ninye mpaach meirriidu, netanya eirriidu loloito enye.

Mbolunoto 3:20

Ng'ura, kaitache to nkutuk e nkaji, naikodikodito, naa kore pooki ng'ae oning ltoilo lai nebol nkutuk e nkaji, najing'u alotu netii, nadaa tenebo o ninye nedaa sii ninye tenebo o nanu.