Rroman 2:27 - Samburu

²⁷ Naaku kore lamara Lyiaudii kake neitabayie naayieu nkitanapat e Nkai, naa ikidung'oki kenya iyie nkiguana, iyie laa kore abaki ira Lyiaudii, nikitumurataki, niyielolo aitoki pooki naajo nkitanapat e Nkai, nigil ake eyia nenia kitanapat e Nkai.

Rroman 2:27 ပူးပေါင်းရင်းမြစ်များ

Matayo 3:15

Newoliki ꞉Yeso ajoki, <> Nechamaa ꞉Yoana.

Asat 13:22

Kore payie eworu Nkai Saulo lorika, neiliepunyie Daudi metaa lkinkii. Nelimu sipata naipirita ninye ejo, >>

Rroman 13:10

Kore nchaman naa meitaas likae tung'ani ntoki torno, naaku keitabaya ꞉nchaman nkitanapat.

Rroman 2:15

Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino.

Rroman 2:20

nira loutaa lolo lemeitoki eyielo, nira laiteng'enani loo lolo oaamae, niata ng'eno o ndedei taatua nkitanapat e Nkai.

Rroman 2:25

Kore tanaa imbung nkitanapat e Nkai, naaku keitoki muratare te iyie ira Lyiaudii, kake kore tanaa igil nenia kitanapat naaku meitoki inia muratare ino.

Rroman 2:26

Naaku amaa teneibung ltung'ani lamara loo Lyiaudi inia nayieu nkitanapat e Nkai emurata o memurata, ijo iyie meikeni naa ninye aajo le Nkai?

Rroman 2:29

kake kore ilo oara Lyiaudii odede, naa ilo oara ta ltau, naa kore muratare nadede naa inia muratare e ltau. Kore ilo omurat ltau, naa Ltau sinyati le Nkai mara sirat ee nkitanapat. Kore ilo tung'ani naa ta Nkai eng'amaa rrepet, namara too ltung'ana.

Rroman 8:4

Ketaasa Nkai ana payie etumi aaitabai nayieu nkitanapat taatua iyioo lamara mpukunoto torno e ltung'ani kirukurukore, kake nayieu Ltau Sinyati.

1 Lkorinto 7:19

Mara muratare toki, namara sii toki teneitu kimurati, kake kore ntoki nara toki naa tinimbung nkitnanapat e Nkai.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

Lgalatia 5:14

Amu keitabayieki nkitanapat pooki te rerei obo ake, <>

Epeso 2:11

Naaku taa, entaparru netiu apa mbaa! Kore Lyiaudi oomurata muratare namurati ake sesen naasi taa nkaik ee ltung'ana, keipot ate aajo loomurata neipot ntae aajo lmomurata.

2 Timoti 3:15

niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso.

Lburania 11:3

Naa to nkurukoto nikiata kiteyieloutua nchere te rerei lenye eitibira ꞉Nkai nkop, metaa kore ntoki nalioo naa te nemelioo eitibiraki.