Rroman 2:14 - Samburu

¹⁴ Kore teneas loreren lamara loo Lyiaudi inia nayieu Nkitanapat abaki meyielo ninche Nkitanapat naaigero e Nkai, naaku keyieolo inia naaichiaakino neasi.

Rroman 2:14 ပူးပေါင်းရင်းမြစ်များ

Asat 10:35

kake keng'amaa pooki ng'ae ourie ninye, neas sipat menya ajo le alo orere ninye.

Asat 14:16

Kore too ntowuon naaicha, naa keichoo loreren meima nkoitieii enche,

Asat 17:30

Kore apa tekue naa kewa ꞉Nkai ajo meyielo ltung'ana ninye, kake kore taata naa keitarrapita ltung'ana pooki to ng'oji pooki payie eirriidu ng'ok enche neibelekenyakino ninye.

Rroman 1:32

Kore kulo tung'ana naa keyielo nkitanapata e Nkai, nchere kore lolo oaas kuna baa naa keichiaakino lkiye, kake kore eyia, mara ake nenia baa eas, kake keitoki achamaa pooki oaas.

Rroman 2:12

Kore lolo pooki oaataasa ng'ok meata nkitanapat e Nkai naa keidaaya sii meata nenia kitanapat, naa kore lolo pooki oaataasa ng'ok etii taabori nenia kitanapat nedung'okini ninche nkiguana torno te risioroto ee nenia kitanapat.

Rroman 2:15

Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino.

Rroman 2:27

Naaku kore lamara Lyiaudii kake neitabayie naayieu nkitanapat e Nkai, naa ikidung'oki kenya iyie nkiguana, iyie laa kore abaki ira Lyiaudii, nikitumurataki, niyielolo aitoki pooki naajo nkitanapat e Nkai, nigil ake eyia nenia kitanapat e Nkai.

1 Lkorinto 11:14

Amaa chiaake tinidol lpayian oaata lpapit oodoo eomon Nkai, mara anyit?

1 Lkorinto 9:21

Kore ati tenebo o lkulie tung'ana lemeirukurukore nkitanapat ee Lyiaudi, nawuon ana ilo lemeirukurukore nenia kitanapat, payie atum ateyietu ninche metaa le Kristo. Mara nanu lobo lemeirukurukore nkitanapat e Nkai, kake kairukurukore nkitanapat e Kristo.

Epeso 2:12

Naa kore apa ntae te inia kata, miatata Kristo, nirara ltung'ana leiching'a lemeata nejo locho le Isirael, niminkenakinono lning'on le lekutuk le Nkai, nimiatata siligi nimiatata Nkai to nkop.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Lpilipi 4:8

Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.