Rroman 2:12 - Samburu

¹² Kore lolo pooki oaataasa ng'ok meata nkitanapat e Nkai naa keidaaya sii meata nenia kitanapat, naa kore lolo pooki oaataasa ng'ok etii taabori nenia kitanapat nedung'okini ninche nkiguana torno te risioroto ee nenia kitanapat.

Rroman 2:12 ပူးပေါင်းရင်းမြစ်များ

Matayo 11:22

Kake kajoki ntae, kore kenya ta mparri e nkiguana, naa keiteleleki nkiguana e Tiro o ne Sidon aaitalang ntae.

Matayo 11:24

Kake kajoki ntae, keikachieki kenya Sodom ta mparri e nkiguana alang iyie.>>

Yoana 19:11

Nejoki ꞉Yeso, <>

Asat 2:23

Kore nataase te ele tung'ani naa inia apake nategelua Nkai te yieunoto enye. Ketipikaki ninye nkaik inchi, ninchocho lolo oreren lamara loo Lyiaudi meteche to lmusalaba near metua.

Rroman 1:32

Kore kulo tung'ana naa keyielo nkitanapata e Nkai, nchere kore lolo oaas kuna baa naa keichiaakino lkiye, kake kore eyia, mara ake nenia baa eas, kake keitoki achamaa pooki oaas.

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

1 Lkorinto 9:21

Kore ati tenebo o lkulie tung'ana lemeirukurukore nkitanapat ee Lyiaudi, nawuon ana ilo lemeirukurukore nenia kitanapat, payie atum ateyietu ninche metaa le Kristo. Mara nanu lobo lemeirukurukore nkitanapat e Nkai, kake kairukurukore nkitanapat e Kristo.

Lgalatia 3:10

Amu kore lolo pooki oisilig asat ee nkitanapat, ketii taabori ldeket, amu keigero ajo, <>

Lgalatia 3:22

Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.

Yakobo 2:10

Amu kore pooki ng'ae oibung nkitanapat kake negil nabo, naaku keitorno ake ana lotigila pooki.