Rroman 16:10 - Samburu

¹⁰ nirorokiki Apeles ilo oatasaanaki nechamari taatua Kristo, nirorokiki lolo le nkaji e Arisitobulo,

Rroman 16:10 ပူးပေါင်းရင်းမြစ်များ

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.

Rroman 16:3

Eroroki Pirisila o Akuila naasita siaai le Kristo Yeso tenebo o nanu.

Rroman 16:7

nirorokiki ltung'ana lo lorere lai, Andironika o Yunias o lolo ooteenaki tenebo o nanu, nera sii ltung'ana oaayanyiti taatua Lkipaareta, naa ketii apa ninche atua Kristo tekue nanu,

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

2 Lkorinto 12:2

Kore apa larin tomon o oong'uan ooima, netii ltung'ani obo le Kristo otowuapayie ꞉Nkai aya nkop e ng'ida. Mayielo tanaa ketarrapuaki apa aaya eata sesen lenye tanaa keikonyi atuwuana keidetdet.

2 Lkorinto 2:9

Kaigeroka apa ntae payie atum atisipu nkitachoto inchi, nayielou tanaa ikiningining menya ajo nyo ajoki ntae.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

2 Lkorinto 8:22

Kore sii aitoki ikireuta likae alache lang tenebo o ninche, likitisiputua too nkoitieii kumo o taa nkatitin kumo aajo keata yieuna naasie siaai e Nkai. Nelus naa taata tankaraki keata siligi kitok taa ntae.

Lgalatia 1:22

Kake kore nkanisani e Kristo natii Yudea, naa maayielo nanu to nkomom.

Lpilipi 2:22

Kake itisiputua ntae maate ajo ketaasa aitibiraki siaai aitubulaa Lomon Supati tenebo o nanu ana neiko nkerai teneasicho o menye.

1 Timoti 3:10

Neyiere ang'as payie etemi ninche tekue, paa tenemeata nakurrieki, neichori meeisiaaicho.

2 Timoti 4:19

Roroki Prisika o Akuila o nkaji e Onesiporo.

1 Petero 1:7

Kesipuni chiaake soit omiri oji saabu teneimieki nkima, naa keidim saabu nerroyo, kake kore nkurukoto keata tipat oleng alang saabu. Kore kuna temat niimaa, naa itumtum payie esipuni nkurukoto inchi. Kore tanaa kesipa nkurukoto inchi, neaku kenya rrepet o nkisisa o nkanyit teneibalunyieki Yeso Kristo.