Rroman 15:5 - Samburu

⁵ Meichoo ntae Nkai naa ninye eing'uaa ng'iriata o rreten entum mparrunoto nabo ana inia naata Kristo Yeso,

Rroman 15:5 ပူးပေါင်းရင်းမြစ်များ

Asat 4:32

Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 15:3

Amu kore abaki Kristo naa eitu eiting'id koon, kake keigero ajo, <>

1 Lkorinto 1:10

Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

2 Lkorinto 7:6

Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 2:2

enchoo naa metaa kaabore ng'ida ltau, iakuku loaata nduata nabo nichamama, niakuku nabo taa ltauja o taa mparrunot.

Lpilipi 3:16

Kore nayiere naa tinikipuo kue kimbung inia nikindipa aateyielo.

Lpilipi 4:2

Kajoki Ewodia o Sintek, metining'oto taatua Laitoriani.

1 Petero 3:20

amu kore lolo tauja naa ketanya apa ening Nkai, eanyuta ninche te ng'iriata ta nkata apa nachetita Noa meli. Lkuni tung'ana ake isiet ootijing'a, neitejeunyieki nkare.

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

2 Petero 3:15

Enkena aajo keng'iri Laitoriani payie ejeu ltung'ana! Naa nejia apake etiaka ntae lalache lang Paulo likicham, payie eigeroki ntae te ng'eno naichooki ninye.

2 Petero 3:9

Kore Laitoriani naa mara keimalmal eitu eitabaya lekutuk lenye, ana nayaita lkulikae tung'ana aajo keimalmal. Keng'iri Nkai taa ntae amu meyieu payie eatae lkuti ooidaari, kake payie etum pooki ng'ae airriidu.