Rroman 15:18 - Samburu

¹⁸ Amu meatae ntoki naitieu airoro mara ake inia nataasa Kristo ta nanu, payie etum loreren aayanyita Nkai. Kaatasichere ninye tee rereii o taa asat

Rroman 15:18 ပူးပေါင်းရင်းမြစ်များ

Matayo 25:16

Kore ilo oichooki lbenia imiet, nelo nabokata aasichere payie etumie dikir. Kore laaduo imiet, neponikino lkulie imiet te keper.

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Asat 15:12

Kore inia kiguana pooki negira ajo tau aainining Barnabas o Paulo enyau mbaa pooki naataasa Nkai taatua loreren, aasichere ninche metaasa asat naaitodolu nkitoo enye o mbaa e nking'asia.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

Asat 21:19

Kore eidipa Paulo airoroki ninche, nenyaki ntoki pooki nataasa Nkai te siaai lenye taatua Loreren.

Asat 26:20

Kore tekue nang'asu aliki ltung'ana ta Damasikas, naitoki te Yerusalem o te Yudea pooki o too Loreren, payie eirriidu neibelekenyakino Nkai, neas mbaa naaichiaakino too ltung'ana ooirriidutua.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

2 Lkorinto 12:6

Kore abaki duaake tanaa kayieu naikarrie nenia baa, maaku sii lmadai amu sipata ake alimuta. Kake maikarrie payie meatae ltung'ani laailiepie aitalang inia natoduaa ninye tanaa natining'o ta nanu.

2 Lkorinto 3:5

Mikindim hoo aataparrai nikinko tinikias ele siaai eji atuwuana nkidimata ang kiasie, kake kore nkidimata ang naa Nkai eing'uaa.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 2:8

Amu kore ꞉ilo oidimie Petero metaa Lkipaaret loo loomurata, ninye sii laaidimie nanu mataa Lkipaaret loo loreren.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

2 Ltesalonike 2:17

naa meitogolo ltauja linchi, neitacheyie ntae taatua asat o rerei pooki supat.

Lburania 11:8

To nkurukoto eyanyita ꞉Abraam Nkai payie eipot metung'ai nkop enye alo nkae ng'oji naaku kenya nenye. Neinyuototo aing'uaa inia kop abaki meyielo neloito.

Lburania 5:9

Naaku kore payie eisulieki, neaku ninye etumie pooki ng'ae oning ninye njeunoto ee ntarasi,

Yakobo 1:22

Naa entaa loaas ana nejo rerei le Nkai, namara ake looning apeny rerei, amu isapsap ate tiniasias inia.

1 Yoana 3:18

Nakera ainien, mikiaku loaacham to nkutuk o te rerei ake, kake matacham taa asat o te ndedei!

Yuda 1:9

Kake kore abaki Mikael ilo kitok laa lmalaikani, eorro sesen le Musa o Chitani, naa eitu emen ninye nedung'oki nkiguana, kake ketejo, <>