Rroman 15:16 - Samburu

¹⁶ mataa laisiaayiani le Kristo Yeso payie atum atabaki ltung'ana loo loreren, nalikoo Lomon Supati ana neas laitainoni la lasar teneitai lasar, payie eaku ltung'ana loo loreren nkichooroto nang'amaa ꞉Nkai, eitisinyaki to ngolon e Ltau Sinyati.

Rroman 15:16 ပူးပေါင်းရင်းမြစ်များ

Asat 13:2

Kore esaita ꞉ninche Laitoriani neteena nkutukie, nejoki ꞉Ltau Sinyati, <>

Asat 20:24

Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.

Asat 20:32

<

Asat 22:21

Kake naajoki ꞉Laitoriani, >>

Asat 9:15

Kake nejoki ꞉Laitoriani ninye, <

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 11:13

Naa kairorie naa ntae ltung'ana loo lkulie oreren lamara loo Lyiaudi. Kara nanu lkipaaret linchi, naa kore tankaraki inia kang'idare ilo siaai lai lo lkipaaret,

Rroman 15:18

Amu meatae ntoki naitieu airoro mara ake inia nataasa Kristo ta nanu, payie etum loreren aayanyita Nkai. Kaatasichere ninye tee rereii o taa asat

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

Rroman 15:20

Naaku katumuta apa ajo malikoo Lomon Supati to ng'oji neyieloi Kristo, payie machet neitamanyua ꞉likae.

Rroman 15:29

naa kayielo nchere kore tanalotu nitii, nemayian ntae Kristo katukul.

Rroman 5:5

Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

2 Lkorinto 8:5

Neas ninche nalang nikisiligita apa aajo keas, amu kore te yieuna e Nkai, ate etang'asa tekue aicho Laitoriani, neitoki aaicho iyioo.

Lgalatia 3:5

Amaa ꞉ilo oicho ntae Ltau neas mbaa e nking'asia taatua ntae, keas nenia tankaraki nimbung'utata nkitanapat ana tankaraki iruko ilo rerei litining'o?

Epeso 2:18

Amu kore tankaraki inia nataasa Kristo, nikitum pooki aatu netii Papa aaimu ilo Tau Sinyati ake obo.

Epeso 2:22

Naa taatua ninye sii echetutae ntae aaibung'ie tenebo ta Ltau Sinyati payie iakuku ng'oji nemany Nkai.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

1 Ltesalonike 2:2

Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng.

1 Ltesalonike 2:9

Lalachera o nkanachera, entaparru naa nyuata o siaai ogol likitaasa! Ikitaasichiete kuarie o parkiji, payie mikiaku nkirochi to ltung'ani, kilikita ntae Lomon Supati le Nkai.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

1 Timoti 1:11

Nejia ejo Lomon Supati le nkitoo e Nkai ang namayiana, lolo Omon laaichooki nanu mataa laing'urani.

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

2 Timoti 1:11

Kaategeluaki mataa lalikoroni o Lkipaaret o laiteng'enani loo lolo Omon Supati.

Lburania 13:16

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.