Rroman 13:12 - Samburu

¹² Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an.

Rroman 13:12 ပူးပေါင်းရင်းမြစ်များ

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

1 Lkorinto 10:11

Kore kuna baa naatumo kulo tung'ana naa keigeroki payie eitaarriyianieki iyioo ooichu ta nkata e nkiting'oto e nkop.

1 Lkorinto 7:29

Lalachera o nkanachera, ana bae dei aimakita, nchere ketinyikua nkata e nkiting'oto. Naaku kore ang'asu taata, enchoo lolo oaata ntomonok ewueni atuwuana lemeata,

2 Lkorinto 10:4

Kore masaa ang nikinyayie larrabal naa mara masaa ee ltung'ana, kake keata ngolon ta Nkai nikindakie neogol ee lmang'ati le Nkai. Nikindakie mparrunot e sapare,

2 Lkorinto 6:7

Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

Epeso 4:22

Keiteng'en ntae inia entuburkuchu lwuenet linchi le apa, ilo oyieu mpukunoto inchi torno naitarrorrita yieunot torrok o sapare, nirukurukorere.

Epeso 5:11

Emichulakino asat e naimin nemeiu lng'anayio supati kake embalie,

Epeso 5:8

Amu irara apa ntae naimin, kake kore taata irara wong'an taatua Laitoriani. Naaku enchom naa ana nkera e wong'an!

Lburania 10:25

Nimikipal mikitumo tenebo ana neasita lkulie, kake entogoloto, naleng idolitata aajo ketinyikua Mparri e Laitoriani.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Yakobo 1:21

Naaku naa, enturrai mbaa pooki naaidurukie ntae o ntorno nataa kitok oleng, ning'amaa to mborron ilo rerei otipika Nkai atua ltauja linchi, oidim aitejeu nkichui inchi.

Yakobo 5:8

Naaku enting'iri sii ntae, nintogoliolio, amu ketataana lotunoto e Laitoriani.

1 Petero 2:1

Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje.

1 Petero 4:7

Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

2 Petero 3:9

Kore Laitoriani naa mara keimalmal eitu eitabaya lekutuk lenye, ana nayaita lkulikae tung'ana aajo keimalmal. Keng'iri Nkai taa ntae amu meyieu payie eatae lkuti ooidaari, kake payie etum pooki ng'ae airriidu.

1 Yoana 2:18

Nakera, etaa nkata e nkiting'oto ana, naa kore ana nitining'o aajo kore ilo oiba Kristo naa kelotuta, eidipa naa taata lkumo ooiba Kristo aaotu. Naa ana oitiei kiteyielounyie aajo ketaa nkata e nkiting'oto.

Mbolunoto 1:3

Emayiana ilo oisom kulo rereii ooigero tana buku e naibon e Nkai, nemayiana sii lolo ooning neibung, amu ketinyikua nkata.

Mbolunoto 22:10

Munuk naibon e ana buku too ltung'ana, amu etaa kebau nkata nabaya.