Rroman 12:3 - Samburu

³ Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Rroman 12:3 ပူးပေါင်းရင်းမြစ်များ

Luka 18:11

Neitache Lparisayoi aomon Nkai makoon ajo nchi,

Yoana 3:34

Amu kore ilo oirriwua Nkai, neiro rerei le Nkai, neichoo ninye Ltau Sinyati te risoroto nemeiting.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

1 Lkorinto 7:17

Kore eyia enchoo pooki ng'ae metowuana ana nategelaka ꞉Laitoriani payie eipot ninye ꞉Nkai. Naa ana taa nkitanapata ai taa nkanisani pooki.

2 Lkorinto 10:13

Kore iyioo mikinkar aaiterepaa inia naichiaakino, kake ikinkar nimikinterepaa nkikarra ang ilo siaai lang oichoo iyioo Nkai. Naa kebaki ilo siaai lang atua ntae.

2 Lkorinto 12:13

Amaa, taa oitiei eitu eikeni ntae alang nkulie anisani, mara ake te inia neitu aipotunyie ntae reteto ee ropiyiani? Mara kaomon ntae mpalikinoto eji atuwuana kaitarroyie?

2 Lkorinto 12:7

Kore payie mailiepunyie koon tankaraki nenia baa kutuaa e nking'asia naatobolokaki, naapiki lkukuai sesen, aa ilo malaika le Chitani maatooch aiteme naaibooyo payie mailiepunyie koon.

Lgalatia 6:3

Naa kore tenedol ltung'ani koon ajo kera toki, nemeitoki era, naaku koon esapita.

Epeso 3:2

Kasip ajo itining'o kipirte e Nkai naaichoo nanu te munyani enye matiliki ntae,

Epeso 3:4

Tinisomsom ana, indimdim aateyielo ning'unoto naata tana bae naisudoro naipirita Kristo,

Epeso 4:16

Laa te ninye ebulu sesen pooki te nchaman, nerubi neibung'a tenebo netum rubat pooki inia nayieu aimu mpit naaibung'uta. Nemeata rubata nemeas siaai enye ana naichooki metaasa.

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Lkolosae 1:29

Naa kore payie etum inia atabai, kanyokita oleng to ngolon enye naasicho taatua nanu.

Lkolosae 2:13

Kore abaki ituata tankaraki ng'ok inchi, neitu emurati mpukunoto inchi torno e tung'ani, eitaa ntae Nkai looichu tenebo o ninye, etapalikaki ntae ng'ok inchi.

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

1 Timoti 2:15

Kake keitejeuni ninche eiu nkera, tenewuni taatua nkurukoto o nchaman o sinyaticho, to nkoitiei naichiaakino.

1 Timoti 2:9

Nayieu sii ntomonok neisikarra aaitibiraki ta nkanyit o te nkiririkinoto. Namara te nchatata ee lpapit tanaa ta saabu tanaa taa masaa naagol nkinyiang'a tanaa taa nankan naagol nkinyiang'a eisikarra,

Tito 2:12

Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,

Tito 2:2

intaarriyian lpayiani arrarrin metaa looiririki mbaa, neiririkino nkanyit, netem mbaa, neichiaari mbaa to nkurukoto o te nchaman neata ng'iriata nairirikino.

Tito 2:4

payie etum aaitaarriyiana ntomonok leleru metachama lpayiani lenche o nkera enche.

Tito 2:6

Nejia aitoki nkuna lewa leleru, ntaarriyiana metaa lootemu mbaa.

Yakobo 4:6

Kake kore eyia, keikitok munyani naichoo iyioo ꞉Nkai. Naaku kejo Lkigerot Sinyat, <>

1 Petero 1:13

Naaku naa entipik siligi linchi katukul inia munyani naichori kenya ntae teneibalunyieki Yeso Kristo, irretenena taa mparrunot inchi aaku ltung'ana oaaparricho aaitibiraki.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

1 Petero 4:7

Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.

1 Petero 5:5

Kore naa ntae oaara leleru, entodoi ate too lpayiani le nkanisa. Nemeata linchi, pee era lpayian anaa ltung'ani lelerie, lemerretena payie etum aisiaayia likae to mborron, amu, <>

1 Petero 5:8

Entaa ltung'ana oaaparricho aitibiraki, nirritata ate amu kore lmang'antita linchi Chitani naa kemanaa ana lng'atuny oipurruto, eyiaya ltung'ani oijioo.

3 Yoana 1:9

Kaigeroka sii nkanisa mbae, kake kore Dioterepes oacham ailiepie koon teinie, naa meng'amaa iyioo.