Rroman 12:1 - Samburu

¹ Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Rroman 12:1 ပူးပေါင်းရင်းမြစ်များ

Luka 7:47

Naa tankaraki inia paajoki ntae, etapalikaki nenia ng'ok enyena kumo, naa inia payie eata nchaman kitok. Kake kore ilo otapalikaki ng'ok kuni, naa keikini nchaman enye.>>

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Rroman 15:16

mataa laisiaayiani le Kristo Yeso payie atum atabaki ltung'ana loo loreren, nalikoo Lomon Supati ana neas laitainoni la lasar teneitai lasar, payie eaku ltung'ana loo loreren nkichooroto nang'amaa ꞉Nkai, eitisinyaki to ngolon e Ltau Sinyati.

Rroman 15:30

Kore ta Laitoriani Yeso Kristo o te nchaman naaichoo ꞉Ltau Sinyati, kaitaarriyian ntae lalachera o nkanachera ainien, entam larrabal tenebo o nanu to nkomono kiomonokitata Nkai.

Rroman 2:4

Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

Rroman 6:16

Miyielolo aajo kore ilo linchoo ate aaku laisiaayiak lenyena ooning'icho, niakuku rrindiki lenyena? Keidim ng'ok aaitoria ntae nitumtum lkiye teinia, tanaa sii iakuku rrindiki ooning Nkai, neitae ntae loosipat.

Rroman 6:19

Kairorita to nkutuk nining'ung'u, tankaraki nirara ltung'ana oaachal. Kore ana ninchooitie apa rubat ee seseni linchi payie eaku rrindiki ee mbaa nemeichiaakino o ne ntorno metaasa ntorrok, enyiaaki sii taata enchoo rubat inchi eaku meitoria ꞉sipata e Nkai payie iakuku sinyat.

Rroman 9:23

Ketaasa sii inia payie eitodolu nowua nkitoo enye too lolo ooing'urrieki, lolo ooitibira apake payie etum ꞉ninche inia kitoo.

1 Lkorinto 1:10

Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

2 Lkorinto 10:1

Kejo lkulikae linchi, <> Kaomon naa nanu ꞉Paulo ntae to mborron o to supaticho e Kristo,

2 Lkorinto 4:1

Kore tankaraki naichoo iyioo Nkai te lng'er lenye ana kisiaayiere, naaku megila iyioo ltauja.

2 Lkorinto 4:16

Naaku megila iyioo ltauja. Kore abaki emutari seseni lang le oriong, naa keiteng'ejuki nkurruki ang mparri o mparri.

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Epeso 5:10

Enchom inyoknyok aaing'oru inia naiting'id Laitoriani.

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

1 Ltesalonike 4:10

Naa kedede, ichamcham lalachera o nkanachera ootii mbat pooki e Makedonia. Kake ikintarrap ntae lalachera o nkanachera, payie intulusoo inia oleng,

1 Ltesalonike 5:12

Naa ikisai ntae lalachera o nkanachera, payie ianyitinyit lolo oonyokita eas siaai taatua ntae, nerikoo ntae taatua Laitoriani, neing'ode ntae payie miasias ntorrok.

1 Timoti 2:3

Kore inia naa keisupat neng'amaroi tekue Nkai Laitejeunoni lang,

1 Timoti 5:4

Kake teneata nkoiliai nkera anaa nkera ee nkera enyena, keyiere ang'as tekue neyielou ꞉nenia kera aajo keichiaakino neyanyita neret nkang enche, errinyoki nache lolo ooitubulutua ninche, amu ana naiting'id Nkai.

Pilemon 1:10

Kaalej tankaraki nkerai ai naji Onesimas, inia nataa ꞉papa lenye le nkiyeng'et, apa ewuon aena.

Pilemon 1:9

Kore naas tankaraki nchaman, kaalej nanu ꞉Paulo, lpayian arrarri oena taata tankaraki Kristo Yeso.

Lburania 13:22

Kaomon naa ntae lalachera o nkanachera payie ing'iriri kuna baa naitaarriyianaka ntae tana palai, amu kaigeroka ake ntae to ndorropo.

1 Petero 2:20

Kaa rrepet etum ltung'ani, ong'iri teneidong'i tankaraki nataasa ntorrok? Kake kore teneidong'i ntae iasitata sipat ning'iriri, naa kechamaa Nkai inia.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.