Rroman 11:20 - Samburu

²⁰ Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 11:20 ပူးပေါင်းရင်းမြစ်များ

Luka 18:14

Kajoki ntae, kore ele aitalakunoni le kodi naa ketodoyie alo nkaji enye eikenakaki sipat tekue Nkai, kake nemeikenakini laduo Lparisayoi. Amu kore pooki ng'ae oiliepie koon neitodouni, naa kore loitodou koon neiliepieki.>>

Asat 18:6

Kake kore payie eany ꞉Lyiaudi nedek ninye, neipiripiroki ꞉Paulo ninche nankan, enang'aki nkaik ejoki, <>

Rroman 11:18

minkar naa tankaraki nenia sura naateng'eruaki. Naa tininkar, taparru ajo mara iyie oibung'uta ntana, kake ntana nikimbung'uta iyie.

Rroman 11:21

Amu tanaa eitu epal Nkai sura naatubuluta apake, mikipal sii iyie.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Rroman 3:3

Oo sa tenetii lbata lenche lemeata nkurukoto, keicho inia metaa meisiligai Nkai?

1 Lkorinto 10:12

Naaku kore ilo ojo keitache aipidaki, oi edol koon payie merria.

1 Lkorinto 15:1

Kore taata lalachera o nkanachera ainien, kayieu naitaparru ntae Lomon Supati latilika apa ntae, lolo litang'amaitie nirukutoto nisiligitata sii.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

2 Lkorinto 10:5

nemeatae nkilacha nailiepunyie koon aibooyo ltung'ana payie meyielou Nkai, nimikindakie. Nemeatae inia naparraa ltung'ani nimikumbung, metining'o Kristo.

Lpilipi 2:12

Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

Lkolosae 2:7

ninchocho metaa ninye nkitamanyunoto naunie neitubulunyie ntae Nkai. Entacho taatua nkurukoto ang, ana naiteng'enaki ntae nimipalpal inchocho Nkai nache.

2 Ltesalonike 2:4

Kore ilo mang'antita naa keiliepie koon aiterepaa ntokitin pooki naaipoti aajo nkaitok o pooki toki nasaii, payie ewuon ninye to lorika ta nkaji e Nkai elikoo ajo kera Nkai.

1 Timoti 6:17

Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

Lburania 3:12

Entodol naa, lalachera o nkanachera, payie meatae ake lobo linchi oata ltau torno lemeiruk oibelekenya aing'uaa Nkai naichu.

Lburania 3:19

Naaku ikidol naa aajo eitu eidim ninche aatum nkiyeng'iyeng'ata enye tankaraki nemeata nkurukoto.

Lburania 4:11

Naaku matonyok aatum inia kiyeng'iyeng'ata, payie meatae ake lobo orria ana lolo apa oaatanya ening Nkai.

Lburania 4:6

Keatae nkiyeng'iyeng'ata natum lbata, kake kore apa lolo ootining'o lomon supati neitu etum ninche tankaraki neitu ening Nkai.

Yakobo 2:19

Iruk iyie ajo kore Nkai naa nabo ake. Keisupat inia! Kore abaki lairiruani naa keiruk inia, kake neikirikira to lputukuny.

Yakobo 4:6

Kake kore eyia, keikitok munyani naichoo iyioo ꞉Nkai. Naaku kejo Lkigerot Sinyat, <>

1 Petero 1:17

Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!

1 Petero 5:9

Emboi ninye, mingusgus taatua nkurukoto ang. Iyielolo naa aajo ketipikaki lalachera o nkanachera inchi to nkop pooki, mbaa e sina naatuwuana kuna.

Mbolunoto 18:7

Nchoo ninye sina o lkichirai aiputaki, aitirisioki ilo kar oatama o nkikarra naikarra ajo, Amu kewuon ake eliepunye koon ajo,

Mbolunoto 3:17

Ijoijo ntae, <> Kake miyielolo aajo irara dorropu, nirara toluti, nirara aisinak, nirara modook, niminchopopo.