Rroman 1:9 - Samburu

⁹ Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

Rroman 1:9 ပူးပေါင်းရင်းမြစ်များ

Marko 1:1

Kore Lomon Supati ooipirita Yeso Kristo, Nkerai e Nkai naa ketang'asua,

Luka 18:1

Kore mparri nabo, neliki ꞉Yeso ninche nkitanyanyukoto ajoki keiririkino payie eomon nkata pooki, nemeinauru.

Asat 12:5

Naaku kore eena Petero te jila, neomonoki ꞉nkanisa ninye Nkai oleng.

Asat 19:21

Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <>

Asat 24:14

Kake kaibalie ajo kara loirukurukore inia oitiei e nkurukoto najo ninche nkiteng'ena e sapare. Naa kore teinia oitiei naisiaai Nkai ee lmakui lang. Nairuk sii mbaa pooki naaigero tee nkitanapat o naigero too mbukui ee loibonok le Nkai.

Asat 27:23

Kore ng'ole kuarie naa kaaipung'oka ꞉lmalaika le inia Ai nara lenye nara sii laisiaayiani lenye,

Asat 3:26

Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>

Rroman 9:1

Kairorita mbaa naadede amu kara le Kristo namajoito sapare amu katumuse naiteyielo sii Ltau Sinyati.

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

Lgalatia 1:20

Naa kore kuna naigerokita ntae, kajoki ntae tekue Nkai nchere mara sapare.

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Lpilipi 1:3

Kaicho Nkai ai nache nkata pooki naparru ntae.

Lpilipi 1:4

Naa kore chiaake tanaomonoki ntae pooki, naomon te ng'ida

Lpilipi 2:22

Kake itisiputua ntae maate ajo ketaasa aitibiraki siaai aitubulaa Lomon Supati tenebo o nanu ana neiko nkerai teneasicho o menye.

Lpilipi 3:3

Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

1 Ltesalonike 1:2

Kore chiaake, naa ikincho Nkai nache tankaraki ntae pooki, kiparru ntae to nkomono aang.

1 Ltesalonike 3:10

Kore kuarie o parkiji, naa ikiomonito mikintisia payie kitum mpaach nikidolie ntae nkomomi, nikitum sii aaiputu ntoki natong'oro to nkurukoto inchi.

1 Ltesalonike 5:17

Emipal aikata miomonmon.

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

2 Timoti 1:3

Kaicho Nkai nache, naisiaaita emusoo ltau lai nchere meata ntoki naakurrieki, ana apake lmakui lang, aaparru iyie nkata pooki to nkomono ai kuarie o parkiji.

Pilemon 1:4

Kaicho Nkai nache nkatitin pooki tanaaparru iyie to nkomono ai,