Rroman 1:8 - Samburu

⁸ Kore nekue, naa karrinyoki Nkai ai nache ta nkarna e Yeso Kristo tankaraki ntae pooki, amu kelikoritae nkurukoto inchi to nkop pooki.

Rroman 1:8 ပူးပေါင်းရင်းမြစ်များ

Matayo 24:14

Kore lolo Omon Supati le nkitoria naa kelikori to nkop pooki nalulung'a payie eaku limunoto too lochon pooki. Kore tesiedi, nelotu nkiting'oto.

Luka 2:1

Kore tee nenia perot, neipung'u nkitanapata naing'uaa Kaisari oji Agosito, ejo meigeri nkarn ee ltung'ana pooki le nkop pooki naitore Rroman.

Asat 11:28

Kore lobo lenche oji Agabas, neinyuototo aibonu eutaa Ltau Sinyati, ajo kelotu nkolong kitok nkop pooki ee Rroman. Naa ketabayie apa ana te nkitoria e Kilaudio.

Asat 28:22

Kake ikiyieu nikining nijo iyie too kuna baa, amu ikiyielo aajo keiroritae oleng to ng'oji pooki mbaa naarieki ele turrur lena kurukoto.>>

Rroman 10:18

Kake kaiparu, eitu sa ening ninche? Ketining'o dei, amu kejo Lkigerot, <>

Rroman 16:19

Kake keyielo pooki ng'ae ajo ining'ining ntae Lomon Supati, naa ikinting'idita nanu te inia. Kayieu niatata ntae ng'eno taa mbaa supati, niakuku lemeata ntioto taa mbaa torrok.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

1 Lkorinto 1:4

Kaicho chiaake Nkai ai nache tankaraki ntae amu keichoo ninye ntae munyani itii atua Kristo Yeso.

2 Lkorinto 2:14

Kake kaicho Nkai nache amu kore taatua Kristo, keisula ninye, nerikoo iyioo, neasichere iyioo meteyielo ltung'ana ninye to ng'oji pooki ana lasar orropili.

Epeso 1:15

Katining'o nkurukoto niatata ta Laitoriani Yeso o nchaman niatata too sinyat le Nkai pooki, naa tankaraki inia payie

Epeso 1:16

eitu apal eitu aichooyo nache tankaraki ntae, aparru ntae to nkomono ai.

Epeso 3:21

metaa nenye nkisisa tee iyioo otii nkanisa nikitii atua Kristo Yeso, too ntowuoitin pooki ntarasi o ntarasi! Aamin.

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 1:3

Kaicho Nkai ai nache nkata pooki naparru ntae.

Lkolosae 1:3

Kore chiaake tinikiomonoki ntae, nikincho Nkai nara Papa la Laitoriani lang Yeso Kristo nache,

1 Ltesalonike 1:2

Kore chiaake, naa ikincho Nkai nache tankaraki ntae pooki, kiparru ntae to nkomono aang.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

2 Timoti 1:3

Kaicho Nkai nache, naisiaaita emusoo ltau lai nchere meata ntoki naakurrieki, ana apake lmakui lang, aaparru iyie nkata pooki to nkomono ai kuarie o parkiji.

Pilemon 1:4

Kaicho Nkai nache nkatitin pooki tanaaparru iyie to nkomono ai,

Lburania 13:15

Naaku kore aimu Yeso, maitaki naa Nkai lasar le nkisisa nkata pooki, kimbalie nkarna enye too nkutukie aang.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.