Rroman 1:20 - Samburu

²⁰ Kore apake payie eitaini nkop, kore inia pukunoto enye nemelio, aa ngolon ee ntarasi o mpukunoto e aaicho enye, naa kesipuni, neyielouni too ntokitin naaitayia ninye. Naaku meata neiko ninche tenejo meyielo Nkai.

Rroman 1:20 ပူးပေါင်းရင်းမြစ်များ

Matayo 5:45

payie itumtum aataa nkera e Papa linchi oti chumata. Amu keitoong'oki ꞉ninye ndama lolo torrok o supati, neicho nchan loosipat o lamara loosipat.

Marko 10:6

Kake kore ta ng'asunoto payie eitai Nkai nkop, neitibir Nkai ninche, lee o lipong.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Yoana 15:22

Kore teneitu alotu airorie ninche, anata meata naipari to ng'oki. Kake meata taata napaacharie ng'oki enche.

Asat 17:29

<

Asat 22:1

Nejo, <>

Rroman 1:19

Naa keibala mbaa naaipirita yielounoto e Nkai tee ninche, amu Nkai naibalakinyie ninche.

Rroman 2:1

Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa.

Rroman 2:15

Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino.

1 Lkorinto 1:20

Amaa, koree naa laing'eni? Oo laiteng'enak loo nkitanapat, tanaa larriyiak le ana kop ooyielo aatowolu mbaa? Meibala ajo, eitaa ꞉Nkai ng'eno e nkop madai?

Lkolosae 1:15

Kore Nkerai e Nkai naa nkitanyanyukoto nalioo e Nkai nemelioo, ilo oing'uaa Nkai ewuon apake eitu eitibiri nkop naa ninye oitore ntoki pooki naitibiraki.

Lkolosae 2:9

Amu kemanya Nkai atua ninye katukul apa era ninye ltung'ani oata sesen,

1 Timoti 1:17

Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.

1 Timoti 6:16

oara ninye ake apeny lemeye, newuon to wong'an nemenyikakinoi, nemeata hooyia ltung'ani otodua ninye, nemeata looidim atoduaa. Metaa nenye nkanyit o nkitoria ee ntarasi. Aamin.

Lburania 11:27

To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.