Rroman 1:16 - Samburu

¹⁶ Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 1:16 ပူးပေါင်းရင်းမြစ်များ

Marko 8:38

Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>

Luka 9:26

Amu kore ilo odol anyit tankaraki nanu o rereii lainien, naa kedol abaki ꞉Nkerai e ltung'ani anyit te ninye, tenelotu to wong'an e nkitoo enye o ne Papa o nee lmalaikani sinyat.

Yoana 7:35

Neipara larikok loo Lyiaudi aajokino, <

Asat 3:26

Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>

Rroman 10:17

Naaku, kelotu nkurukoto te inia naning'i, naa kore inia naning'i kelotu te likoroto e rerei le Kristo.

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

Rroman 15:29

naa kayielo nchere kore tanalotu nitii, nemayian ntae Kristo katukul.

Rroman 2:9

Kore ltung'ani pooki oas ntorrok, netum kenya sina sapuk oleng, sina oang'asu tekue too Lyiaudi, neitoki sii too loreren lamara loo Lyiaudi.

Rroman 4:11

Kore muratare, neng'amaa ana nkitodolunoto naitodolu sipata ajo kera apake loosipat to nkurukoto ewuon abaki eitu emurati, payie eaku ninye papa loo lolo pooki ooiruk neikeni ninche aajo loosipat, abaki memurata.

1 Lkorinto 15:2

Kulo Omon Supati latilika ntae ooitejeu ntae, tinimbung'bung aitibiraki, peechu naa pecheu apake iruko.

1 Lkorinto 2:2

Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

1 Lkorinto 9:12

Kore tanaa keatae looichiaakino neng'amu reto taa ntae, mara iyioo naa eichiaakino oleng? Kake eitu chiaake kiyiaya iyioo inia naichiaakino iyioo. Alang nikias inia, niking'iri mbaa pooki payie mikimbooyo hooyia Lomon Supati le Kristo ta mbae ake naje.

1 Lkorinto 9:18

Naaku nyo naa laata ai? Kore tanalikoo Lomon Supati, naichooyo pecheu meti laata, napal inia naaichiaakino nanu te likoroto ee Lomon Supati, naa ninye laata ai.

2 Lkorinto 2:12

Kore payie abaki lkerenket le Tiroa alikoo Lomon Supati le Kristo, naa kaatobolakaki nkoitiei naasie siaai la Laitoriani,

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

2 Lkorinto 9:13

Kore ana reto nintaitua naa keitodolu ajo kedede nkurukoto inchi, nerrep ꞉ninche Nkai amu imbung'a ntae Lomon Supati le Kristo litilimutua aajo irukurukorere. Kerrep sii aitoki ꞉ninche Nkai tankaraki ning'arierie ninche o lkulie pooki ntokitin inchi te leng'on.

Lgalatia 1:7

Amu meatae lkulie omon supati, kake keitanyamalita ntae lkulie tung'ana, neyieu neibelekeny Lomon Supati le Kristo.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

1 Timoti 1:11

Nejia ejo Lomon Supati le nkitoo e Nkai ang namayiana, lolo Omon laaichooki nanu mataa laing'urani.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

Lburania 4:12

Amu kore rerei le Nkai naa keichu neata ngolon. Kepi alang lalem opi mbat pukura, nerem arich nkurruk o nkichui o loik o ntolo, neidim atukurru mparrunot o yieunot e ltau naaisudoro.

1 Petero 4:16

Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna.