Rroman 1:12 - Samburu

¹² Kore najoito naa ana, nchere kayieu nalotu inie nitii payie kitum aitogoloto to nkurukoto niking'ar tenebo, aitogol nanu ntae to nkurukoto ai, nikintogolgol sii ntae nanu te ninchi.

Rroman 1:12 ပူးပေါင်းရင်းမြစ်များ

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Rroman 1:11

amu kayieu oleng nadol ntae payie atum atang'arie ntae nkichooroto e Ltau le Nkai payie eitogoli ntae.

Rroman 1:13

Kayieu niyielouu lalachera o nkanachera aajo mara nkata nabo atanape alotu nitii, kake naaiboori ana metabaki taata. Kore payie ayieu nalotu nitii, naa payie etum Lomon Supati lalikorita aatiuu lng'anayio taatua ntae, ana payie etiutua too lkulie oreren.

Rroman 15:24

kaisilig ajo kaisabaki ntae aimaa aloito Sipein, nawuon tenebo o ntae peneu ang'idakino mboita inchi, kore tesiedi inia nikintanapnap machomo kue to lototo ai.

Rroman 15:32

niomonmon payie atum ayeu aata ng'ida echam Nkai, nayeng'iyeng'a tenebo o ntae.

2 Lkorinto 7:13

Keitogolo iyioo inia ltauja. Namara ake apeny keitogolo iyioo, kake ikiting'idate oleng tankaraki ng'ida e Tito, amu intogolito ntae pooki ninye.

Epeso 4:5

Lobo Laitoriani, nabo nkurukoto, nabo nkipatisare,

2 Timoti 1:4

Kore tanaparru lkiyio limbukoyie payie aaing'uaa, nayieuu naadol iyie payie atum ng'ida oleng.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

2 Yoana 1:4

Kating'ide oleng payie atum mbata ee nkera inono eirukurukore ndedei, ana apa naitaarriyianaka iyioo Papa.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.