Pilemon 1:7 - Samburu

⁷ Kore nchaman ino naa kaaiting'ida oleng naaitogol sii, amu keisiate ltauja loo sinyat tankaraki iyie, lalache lai.

Pilemon 1:7 ပူးပေါင်းရင်းမြစ်များ

1 Lkorinto 16:18

Kaaitogolito ꞉ninche, ana naitogolito sii ꞉ninche ntae. Keichiaakino ltung'ana ootuwuana lolo rrepeta.

2 Lkorinto 7:13

Keitogolo iyioo inia ltauja. Namara ake apeny keitogolo iyioo, kake ikiting'idate oleng tankaraki ng'ida e Tito, amu intogolito ntae pooki ninye.

2 Lkorinto 7:4

Kaitieu airorie ntae katukul, nang'idare sii ntae oleng. Kore natining'o naipirita ntae naa kaitogolo nanu naiting'id katukul, too kulo sinaitin lang pooki ootumuto iyioo.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

1 Ltesalonike 2:19

Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae?

1 Ltesalonike 3:9

Nyo sa kirrinyokinyie Nkai nache te inia ng'ida pooki nikiaata tekue ninye tankaraki ntae?

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

Pilemon 1:20

Ee lalache, kore taatua Laitoriani, kayieu nikiret taa naaduo baa naimaka. Ntogolo ltau lai taatua Kristo!

2 Yoana 1:4

Kating'ide oleng payie atum mbata ee nkera inono eirukurukore ndedei, ana apa naitaarriyianaka iyioo Papa.