Pilemon 1:24 - Samburu

²⁴ Nikiroroki sii ꞉Marko o Arisitarko o Demas o Luka oaara laisiaayiak tenebo o nanu.

Pilemon 1:24 ပူးပေါင်းရင်းမြစ်များ

Asat 12:12

Kore payie eyielou ninye ana, nelo nkaji e Maria ng'otonye Yoana oitokini aajo Marko, inie neotuo ltung'ana kumo aaomon tenebo.

Asat 12:25

Kore payie eidip Barnabas o Saulo aaichooi naduo reto te Yerusalem, nechuko eata Yoana oitokini aajo Marko.

Asat 13:13

Neinyuototo Paulo o lboitiei lenyena te ilo kerenket le Papos te meli aalang'aki lkerenket oji Perga otii mbata e Pampilia. Neing'uaa ꞉Yoana oitokini aajo Marko ninche teinie nechuko alo Yerusalem.

Asat 19:29

Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye.

Asat 27:2

Nikidir meli kitok e lkerenket le Adiramitiam nataa kelo aimaa lkerenketi otii nchepata e mpaso naibung'are Asia. Nikinyuototo aapuo kiata ltung'ani le nkop e Makedonia oing'uaa lkerenket le Tesalonike oji Arisitarko.

2 Lkorinto 8:23

Kore Tito naa lboitiei lai likiasicho tenebo aaret ntae, naa kore lolo kulikae alachera naa nkanisani naatereutua, neyaki sii Kristo nkanyit.

Lpilipi 2:25

Ikirriwakita apa ꞉ntae lalache lai Epapiroditas, ilo oataasa siaai e Nkai tenebo o nanu nikitama larrabal tenebo kira sikarini le Kristo, naaku kaatereto tee nenia nayieu. Nadol ajo keichiaakino tanairruaki ntae

Lpilipi 4:3

Kore sii iyie sotua lai odede laasichere, kaamon teretu kuna tomonok metining'oto. Ketonyua aaitubulaa Lomon Supati le Nkai tenebo o nanu o Kilement o lkulie aisiaayiak likiasicho tenebo, ootii nkarn enche mbuku e nkichui.

Lkolosae 4:10

Eiroroki sii ntae lboitiei lai Arisitarko oteenaki tenebo o nanu, o Marko apiyio le Barnabas oitaarriyianakaki apa ntae aajoki kore tanaa kelotu nitii, entang'amai!

Lkolosae 4:14

Keiroroki ntae Luka, lkitarrii lang likicham, neiroroki sii ntae Demas.

1 Petero 5:13

Kore sii nkanisa natii Babilon, nategeluaki ana ntae, naa keiroroki ntae. Neiroroki sii ntae Marko oara nkerai ai.

3 Yoana 1:8

Naaku keichiaakino payie kiretore ltung'ana laijo kulo, payie kias siaai tenebo taatua ndedei.