Pilemon 1:22 - Samburu

²² Naa kore aitoki, ntibirakaaki ng'oji nalotu awuenie, amu kaata siligi nchere kore to nkomono inchi naa kaapaluni maeu nitii.

Pilemon 1:22 ပူးပေါင်းရင်းမြစ်များ

Asat 27:24

naajoki,

Asat 28:23

Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede.

Rroman 15:24

kaisilig ajo kaisabaki ntae aimaa aloito Sipein, nawuon tenebo o ntae peneu ang'idakino mboita inchi, kore tesiedi inia nikintanapnap machomo kue to lototo ai.

2 Lkorinto 1:11

tiniretutu iyioo to nkomono. Kore teneomon ltung'ana kumo Nkai meichoo iyioo omom enye, naaku keicho kenya ꞉lkumo ninye nache tankaraki iyioo.

Lpilipi 1:19

amu kayielo ajo kore ana, naa kaaicho maatalakuni tankaraki nkomono inchi o reteto naaicho Ltau le Yeso Kristo.

Lpilipi 2:24

Naa kaisilig nanu Laitoriani ajo kalotu sii nanu aisabaki ntae asioki.

Lburania 13:19

Kaamon ntae entoomon, oleng payie aachuku Nkai inie nitii too kuna naataana.

Lburania 13:23

Kayieu niyielouu aajo ketalakuaki lalache lang Timoti te jila. Naa kore tanaa kesieku alotu natii, nalotu aisabaki ntae tenebo o ninye.

Yakobo 5:16

Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae. Kore nkomono e ltung'ani loosipat naa keata ngolon oleng.

2 Yoana 1:12

Kore abaki duo aata mbaa kumo naigeroki ntae, kake mayieu naigeroki ntae ta lkalamu o ta mpalai. Kore naa siligi laata, naa payie airorie ntae kiduaa nkomomi neboreii taa ng'ida ang.

3 Yoana 1:14

Kaisilig ajo ikiduaa kuna naataana nikiro king'ura nkomomi.