Pilemon 1:14 - Samburu

¹⁴ Kake mayieu apa naas ntoki eitu ichamaa, payie meaku ntoki ino pooki supat nias, ne nkisimakinoto kake ne yieunoto.

Pilemon 1:14 ပူးပေါင်းရင်းမြစ်များ

1 Lkorinto 9:17

Kore tanaa yieuna ai alikorie, anata aa kaichiaakino laata, kake mara yieuna ai amu Nkai naaitaa laing'urani le ele siaai.

1 Lkorinto 9:7

Itining'o aikata sikarii olak koon teneas siaai loo sikarini? Keatae ltung'ani oun lchampa, nemenya lng'anayio le ilo champa lenye? Anaa keatae ltung'ani oaramat ntare, nememat kule enche?

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

2 Lkorinto 8:12

Kore tanaa keichooyo ltung'ani ta ltau supat, naaku keng'amaroi inia kichooroto enye teneitai te nkiririkinoto e inia naata, namara te nkiririkinoto e inia nemeata.

2 Lkorinto 9:5

Naaku inia payie adol nanu ajo keichiaakino payie aomon kulo alachera metang'asa aaisabaki ntae ewuon eitu alotu nanu. Naa siaai lenche payie eitabaya ilo lekutuk loo nkichoorot nintaitua, metaa kore tanalotu neidipaki aatobosu nenia kichoorot pooki, namara te mpiani kake te leng'on.

2 Lkorinto 9:7

Keichiaakino payie eichooyo pooki ng'ae inia nategelua ta ltau lenye, nemeichooyo meyieu tanaa eisimakitae. Amu kecham ꞉Nkai ilo oichooyo te ng'ida.