Mbolunoto 9:2 - Samburu

² Kore payie ebol nkutuk e lodo le nkop, nadol mpuro eijukujuku apuku ana mpuro nairrucha e nkima nanyaita nkop. Neitorok inia puro ndama o siwuo.

Mbolunoto 9:2 ပူးပေါင်းရင်းမြစ်များ

Asat 2:19

Naa kaitodolu mbaa e nking'asia te nkeper e nkai, o nkitodolunot naaitodolu nkitoo ai to nkop, lodo o nkima o mpuro nairrucha.

Mbolunoto 14:11

Kore nkima naiteme ninche, neilu ntarasi o ntarasi. Naa kore ꞉lolo oaasai ng'ues torno o nkitanyanyukoto enye, neata lminchire le nkarna enye, nemeyeng'iyeng'a kuarie o parkiji te mion enche.

Mbolunoto 16:10

Nebukoki aitoki lmalaika le imiet ngoro e Nkai natii ncharaa enye lorika le nkitoo le naduo ng'ues torno, nejing naimin atua nkitoria enye. Neony ꞉ltung'ana le nkitoria enye lala te mion,

Mbolunoto 8:12

Nekut aitoki lmalaika le oong'uan mowuo enye. Neochi orati nabo to uni e ndama o lapa o lakir, neroku. Nemismisu orati nabo to uni e wong'an e parkiji o ne kuarie.

Mbolunoto 9:1

Nekut lmalaika le imiet mowuo enye, nadol lakira otusulunye te nkeper e nkai asulakino nkop. Neichori ilo akira lbolet le nkutuk e lodo le nkop.

Mbolunoto 9:11

Kore lkinkii lenche naa lmalaika le lodo le nkop oji to nkutuk ee Lburania Abadon neji to nkutuk ee Lgirriki Apolion.

Mbolunoto 9:17

Naitoki adol mbartan o lolo oodirita eata long'oi ee lgooitie naanyokuoo ana nkima, nera suruai darleyio. Kore nenia bartan neata nkuechi naatuwuana naa lng'atunyo, nepuku nkima o mpuro o ntoki naji salpa too nkutukie.