Mbolunoto 8:3 - Samburu

³ Neitoki likae malaika oata ncharaa e saabu napejieki naing'urre narropili alotu neitache tekue lperere la lasar. Neichori ninye naing'urre narropili kitok meitai ana lasar tenebo o nkomono ee sinyat to lperere la lasar le saabu tekue lorika le nkitoo.

Mbolunoto 8:3 ပူးပေါင်းရင်းမြစ်များ

Luka 1:10

Kore eomonito lturrur kitok to boo ta nkata napeji lasar,

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Lburania 9:4

Inie etii lperere la lasar le saabu opejieki ntokitin naarropil o sanduku lo lning'o le Nkai oimulumularita ꞉saabu. Kore atua ilo sanduku netii moti e ndaa naing'uaa chumata naji mana, o sobua e Aron natubulakita ntilita, o soito oare dapachi lo lning'o.

Mbolunoto 10:1

Naitoki adol likae lmalaika kitok edou eing'uaa chumata eimulumulakino ꞉nkidis ana nanka, netii siomo nkue enye. Neilu nkomom enye ana ndama, netuwuana nkejek enyena ana lng'opeta ooilu ana nkima.

Mbolunoto 14:18

Nepuku aitoki likae malaika tankalo lperere la lasar opejieki naing'urre narropili, ilo laa ninye oitore nkima e ilo korror la lasar, neipot laduo malaika oata lpanka opi odung'ieki nkano to ltoilo sapuk ajoki, <>

Mbolunoto 5:8

Kore ake payie eya mbuku, nenang nkop ꞉nenia tokitin ong'uan naaichu o lpayiani 24 tekue Lkuo leker. Nemeata lemeata ntoki naranyieki naji nkinanta o ncharaan e saabu naatii ntokitin naarropil, naa ninye nkomono ee ltung'ana le Nkai.

Mbolunoto 6:9

Kore payie eitai Lkuo leker sarmag e imiet, nadol taabori lperere la lasar ltauja loo lolo pooki oaataraki apa metuata tankaraki rerei le Nkai o sipata naata e Kristo.

Mbolunoto 7:2

Naitoki adol likae malaika oing'uaa neiliepunyie ndama eata masaa e Nkai naapikie lminchire ltung'ana lenyena. Nebuaaki ꞉ilo malaika lolo oong'uan ooichooki ngolon naarie nkop o mpaso ejo,

Mbolunoto 8:4

Kore mpuro e inia aing'urre narropili natepejoki o nkomono ee sinyat, neiliep te inia charaa naibung'uta ꞉lmalaika alo netii Nkai.

Mbolunoto 8:5

Neitoki lmalaika aya ncharaa napejieki naing'urre narropili, neiput nkima naing'uaa ilo perere la lasar nenang'aki nkop. Nepuku ndarat o nkukurrukurrot o nkiwuang'at o nkikirikiroto e nkop.

Mbolunoto 9:13

Nekut lmalaika le ile mowuo enye, naning ltoilo opuku eing'uaa mowuarak ong'uan, naatii lmaawuen pukura oong'uan lo lperere la lasar le saabu otii tekue Nkai, opejeki naing'urre narropili.