Mbolunoto 17:3 - Samburu

³ Naanap nanu ꞉ilo malaika ta Ltau Sinyati naaya lkees, nadol te inie ng'oroyieni nawuon te nkeper e ng'ues torno mugie naata te sesen lenye pooki nkarn naadek Nkai, neata nkuechi sapa o mowuarak tomon.

Mbolunoto 17:3 ပူးပေါင်းရင်းမြစ်များ

Matayo 27:28

Neitai nankan, neichopoki lkila onyiekie,

Asat 8:39

Kore payie eipung'u ninche taatua inia are, neya ꞉Ltau Sinyati la Laitoriani Pilipo, metaa eitu eitoki adol ninye. Neibung ilo tung'ani nkoitiei alo eng'ida.

2 Ltesalonike 2:4

Kore ilo mang'antita naa keiliepie koon aiterepaa ntokitin pooki naaipoti aajo nkaitok o pooki toki nasaii, payie ewuon ninye to lorika ta nkaji e Nkai elikoo ajo kera Nkai.

Mbolunoto 1:10

Kore ta mparri nabo e Jumapili, netuwuana kaidetidetita to ngolon e Ltau Sinyati, naning tesiedi nanu ltoilo otuwuana le mowuo.

Mbolunoto 12:14

Neichori inia tomononi nkaipupo are e lmagiro, payie etum achomo ta ai, inie ng'oji neitibirakaki te lkees. Kore te inie naa keing'ori taa larin okuni o nusu, nemeidim ilo asurai aitemio ninye.

Mbolunoto 12:3

Neliooi aitoki nkae bae naing'asicho e are te nkeper e nkai, naa ng'ura etii meu sapuk nanyiekie naata nkuechi sapa o mowuarak tomon o nkunini opiyiani sapa e nkitoo tee nkuechi enyena.

Mbolunoto 12:6

Neisig inia tomononi alo lkees, inie ng'oji neitibiraka ꞉Nkai ninye payie etum aing'ura too mperot 1,260.

Mbolunoto 17:18

Kore inia ng'oroyieni nitoduaa, naa ilo kerenket kitok oitore ꞉lkinkii lenyena lkinkii loo lochon pooki le nkop.>>

Mbolunoto 17:4

Kore inia ng'oroyieni, neichopito nkila mugie o nanyiekie o masaa e sikar e saabu o nee soito oogol nkinyiang'a o saen naagol nkinyiang'a. Kore ta nkaina enye, neibung'uta nkikompe e saabu nabore ntaboi o ntorrok e loloito enye.

Mbolunoto 18:12

Merekure eatae loinyiang'u saabu enche o nkocholai o soito oogol nkinyiang'a o saen naagol nkinyiang'a, nemeatae loinyiang'u nankan enche naapuyiapui o naanyokuoo, naanana o mugiein, nemeatae loinyiang'u nkeek enche naarropil. Nemeatae loinyiang'u masaa enche naateguetunyieki lala loo ltomia o nkeek naagol nkinyiang'a o surutiai o senkei o mpagas.

Mbolunoto 18:16

nebuak aajo, <

Mbolunoto 21:10

Kore etuwuana kaidetidetita, naanap lmalaika naaya nkeper e ldonyuo kitok oodo oleng. Naaitodol teinie lkerenket sinyati oji Yerusalem edou te chumata eing'uaa inie netii Nkai

Mbolunoto 4:2

Kore ake te inia kata etuwuana kaidetidetita to ngolon e Ltau Sinyati, naa ng'ura, nadol lorika le nkitoo owuenitae etii chumata.