Mbolunoto 13:3 - Samburu

³ Kore nkue nabo e inia ng'ues, nelioo ajo keata ng'oldonyoti narumu ajo lbae torno, kake ketusupata taata. Neirukurukore ltung'ana pooki le nkop inia ng'ues torno eing'asia.

Mbolunoto 13:3 ပူးပေါင်းရင်းမြစ်များ

Luka 2:1

Kore tee nenia perot, neipung'u nkitanapata naing'uaa Kaisari oji Agosito, ejo meigeri nkarn ee ltung'ana pooki le nkop pooki naitore Rroman.

Yoana 12:19

Nejokino Lparisayo, <>

Asat 8:13

Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia.

Mbolunoto 13:12

Neasichere nkitoria pooki e napa ng'ues ekue etii inia ng'ues inie. Neisimaki nkop pooki o lolo oaamanya nkop metasayia inia ng'ues torno naichiwua ng'oldonyoti e lbae torno apa oata.

Mbolunoto 13:14

Kore taa nana baa naaing'asicho naaichooki metaasa tekue inia ng'ues torno ekue, nesap ltung'ana pooki oaamanya nkop. Neitirrichaki meeitibira nkitanyanyukoto e inia ng'ues ekue, inia nataraki apa metua ta lalem neinyiaaka apiu.

Mbolunoto 17:10

Kore imiet, neidipa aatuata, neitoricho taata lobo, newuon elotu le siedi, naa kore tenelotu, neichori meitoreicho te nkini kata.

Mbolunoto 17:11

Kore inia ng'ues torno naichu apa ang'as tekue, naa ninye lkinkii le isiet oirukurukore laaduo kinkii sapa, naa keidakieki sii ninye.

Mbolunoto 17:13

Kore ninche, naa kenya nabo aaicho ngolon o nkitoria enche inia ng'ues.

Mbolunoto 17:17

Amu Nkai naichoo ninche meitabai nayieu ninye, aanya nabo aaicho ngolon o nkitoria enche inia ng'ues torno ana metabai pooki natejo Nkai.

Mbolunoto 17:6

Nadol ajo ketemere inia ng'oroyieni tankaraki lodo loo sinyat le Nkai, lolo oaataraki tankaraki limunoto e Yeso. Naing'asia oleng.

Mbolunoto 17:8

Kore inia ng'ues nitoduaa, keichu apa kake merekure taata eichu. Ketaa payie eiliepu to lodo le nkop nelo meidakieki katukul. Naa kore ltung'ana pooki oaamanya nkop, lolo leitu eigeri nkarn enche to mbuku e nkichui ee ntarasi apake payie eitamanyuni nkop, neing'asia tenedol inia ng'ues torno amu keichu apa ang'as nemerekure eichu taata, kake keitoki alotu.