Mbolunoto 12:3 - Samburu

³ Neliooi aitoki nkae bae naing'asicho e are te nkeper e nkai, naa ng'ura etii meu sapuk nanyiekie naata nkuechi sapa o mowuarak tomon o nkunini opiyiani sapa e nkitoo tee nkuechi enyena.

Mbolunoto 12:3 ပူးပေါင်းရင်းမြစ်များ

Mbolunoto 12:1

Nelioi mbae kitok naing'asicho te nkeper e nkai. Nadol ntomononi naimulmulakino ndama ana nanka, neidachita lapa tee nkejek enyena, neunokino lakir 12 nkopiya enye e nkitoo.

Mbolunoto 12:13

Kore payie edol inia meu ajo etanang'akaki nkop, neijipaa naduo tomononi natiiwua layieni aitam sina.

Mbolunoto 12:17

Negoro meu tankaraki inia tomononi, nelo aitai larrabal o nkulie kera e inia tomononi, naaning Nkitanapata e Nkai neata limunoto naipirita Yeso.

Mbolunoto 12:4

Neoroo lkidong'oi lenye orati nabo to uni ee lakir le nkeper e nkai neuroki nkop. Neitache inia meu tekue ntomononi nasaisai, ejo payie etum atama nkerai enye inia kata ake naiu.

Mbolunoto 12:7

Nepuku larrabal sapuk te chumata. Kore lmalaika oji Mikael o lmalaikani lenyena, nerare inia meu. Nenya meu larrabal tenebo o lmalaikani lenyena.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Mbolunoto 13:1

Nadol ng'ues torno eipung'u taatua mpaso. Kore inia ng'ues neata mowuarak tomon o nkuechi sapa o nkopiyiani kunini e nkitoo tomon too mowuarak, kore nenia kuechi enyena, meata nemetii nkarna nadekie Nkai.

Mbolunoto 13:2

Kore inia ng'ues torno natoduaa, naa kenyunyukore lowuoru keri, neata lkardeta le lowuoru oji bea, netuwuana nkutuk ne lng'atuny. Neng'arie ꞉meu inia ng'ues torno ngolon enye o lorika lenye le nkitoo neitoki aicho nkitoria sapuk.

Mbolunoto 13:4

Nesai ꞉ninche pooki meu tankaraki naichoo ng'ues nkitoria. Nesai sii aitoki inia ng'ues ejo, <>

Mbolunoto 15:1

Nadol te chumata nkae mbae kitok naing'asicho. Etii lmalaikani sapa oaata nkitoria naitemeyie nkop taa mbaa sapa torrok e siedi naa ninche eiting'ie ngoro e Nkai.

Mbolunoto 16:13

Nadol lairiruani okuni ootuwuana ntuaan epuku too nkutukie e inia meu o ne inia ng'ues torno o ne loiboni le sapare.

Mbolunoto 17:12

Kore mowuarak tomon nitoduaa neipirita lkinkii tomon lewuon eitu eng'asu aaitoreicho, kake keichori nkitoria meitoreicho nkata kini ana lkinkii tenebo o inia ng'ues torno.

Mbolunoto 17:16

Kore naaduo mowuarak tomon o naduo ng'ues torno, neibaii inia milayoi. Neoru ninye ntokitin enyena pooki, nechurt metaa meata nkila. Nenya nkiri e inia ng'oroyieni neinuaaki nkima metumuta.

Mbolunoto 17:7

Naajoki ilo malaika, <

Mbolunoto 19:12

Kore nkonyek enyena, neilu ana nkima nailu, netii nkopiyiani kunini e nkitoo kumo nkue enye. Netii nkarna naigerokino naa ninye ake openy oyielo kipirte enye.

Mbolunoto 20:2

Neibung inia meu, ꞉ilo asurai le apa laa ninye eji Lairirua neji Chitani, neen nenang'aki lodo le nkop metowuana larin 1,000. Neiken lodo le nkop, nerip nkutuk payie mesap ꞉inia meu lochon ana meeichunye larin 1,000. Kore payie eichunye inia kata, neaku meata ajo meboluni te nkini kata dorrop.