Matayo 5:8 - Samburu

⁸ Emayiana lolo oaata ltauja supati, amu kedol ꞉ninche Nkai.

Matayo 5:8 ပူးပေါင်းရင်းမြစ်များ

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

1 Lkorinto 13:12

Kore taata mbaa pooki naaipirita Nkai, naa ikidol eirupurup atuwuana nkomom te kitaap, kake ikidol kenya ninye nkomom. Mayielo taata ntoki pooki, kake kayielou kenya pooki ana naayielo nanu ꞉Nkai katukul.

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Tito 1:15

Kore mbaa pooki naa keichiaakino tekue Nkai too ltung'ana ooituko nera supati, kake kore too lolo oaatarroitie nemeiruk naa meatae ntoki naichiaakino tekue Nkai. Kore abaki mparrunot enche o nkidimata namusunyie ntoki supat o ntorno naa ketarroitie.

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

Lburania 12:14

Entonyok oleng eng'oru seriani o ltung'ana pooki ning'oruru sii sinyaticho, amu tenemeata ltung'ani sinyaticho naa meidimai payie edol Laitoriani.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Yakobo 4:8

Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

Mbolunoto 22:4

Kedol ꞉ninche nkomom e Nkai, neigeri nkarna enye too nkomomi enche.