Matayo 5:6 - Samburu

⁶ Emayiana lolo oaata sumach o nkure e sotua oipida o Nkai, amu keitiemuni ninche.

Matayo 5:6 ပူးပေါင်းရင်းမြစ်များ

Luka 1:53

Neitiemu loaata sumach too ntokitin supati, nerriny lparakuo taa nkaik naarok.

Luka 6:21

Imayianana ntae oaata sumach taata amu keitiemuni ntae. Imayianana ntae ooichir taata, amu ikuenini kenya.

Luka 6:25

Oi ntae oimoto taata, amu itumtum sumach. Oi ntae ookueni taata, amu isinanionio ninchirchir.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Yoana 7:37

Kore te inia parri e siedi naisul pooki te inia tasim, neinyuototo Yeso, nebuak to ltoilo sapuk nejo, <

Mbolunoto 7:16

Meigil aikata ninche aatum sumach, nemetir aikata nkure. Menya aikata ndama ninche, tanaa edal nkirewuaj enye.