Matayo 5:45 - Samburu

⁴⁵ payie itumtum aataa nkera e Papa linchi oti chumata. Amu keitoong'oki ꞉ninye ndama lolo torrok o supati, neicho nchan loosipat o lamara loosipat.

Matayo 5:45 ပူးပေါင်းရင်းမြစ်များ

Matayo 5:9

Emayiana lolo ooitemeleticho, amu keipoti ninche aajo nkera e Nkai.

Luka 6:35

Kake entacham lmang'ati linchi, nintaasas ninche supati, ninchocho silen miatata siligi aajo kerrinyokini ntae toki. Naa kore laata inchi keaku kitok, niakuku nkera e Ilo ooisul pooki. Amu kore ninye, naa kera supat too lolo lemeata nache o too lolo torrok.

Yoana 13:35

Kore tinichamama, neyielou ltung'ana pooki inia kata aajo irara looiteng'eni lainien.>>

Asat 14:17

kake keitodolua ake koon nkata pooki easita mbaa supati. Keichoo ntae nchan naing'uaa keper, neiteleng larin neitiemu ntae ta ndaa, neiput ntae ng'ida ltauja.>>

Epeso 5:1

Naaku taa, entaa ꞉ltung'ana ooduaaya Nkai, tankaraki nirara nkera enyena naacham oleng.

Lpilipi 2:15

payie iakuku lemeata nakurrieki nemeata ntioto. Niakuku aitoki nkera naacho e Nkai taatua ltung'ana torrok ootopong'ori, iong'ung'u ana lakir tana kop,

1 Yoana 3:9

Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai.