Matayo 28:2 - Samburu

² Kore ta nkata nabo, nelotu nkikirikiroto kitok e nkop, amu lmalaika la Laitoriani otodowua eing'uaa chumata, nelo inie netii ilo soit neibeleleng'oo, newuenie.

Matayo 28:2 ပူးပေါင်းရင်းမြစ်များ

Matayo 27:60

neiteper to nkurarei enye ng'ejuk, natuturo ninye to soit. Kore payie eidip aibeleleng'oki soit sapuk nkutuk e nkurarei, nelo aing'uaa.

Matayo 27:66

Nepuo ninche aaing'uaa inie, nerrip nkurarei aitirrichaki aapik soit ntoki naitodolu teneigutugutieki, nepik sii sikarini oorrip.

Yoana 20:1

Kore payie enyiku siran e Jumapili, ewuon emismis, nelo Maria Magadalena nkurarei, nedol ajo eiwuang'ieki soit to nkutuk e inia kurarei.

Asat 16:26

Kore ake inia kata neikirikiro nkop oleng meikirikirai nkitamanyunoto e jila. Nebolo nabokata nkutukie pooki e inia jila, nelaa senke naainikino lolo ltung'ana pooki oena.

Asat 5:19

Kake kore kuarie, nebol lmalaika la Laitoriani nkutuk e jila neipung'unyie ninche boo nejoki,

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

Mbolunoto 11:19

Neboli nkaji e Nkai te chumata, nelioi sanduku le sotua te inie. Nepuku teinie nkiwuang'at o ndarat o nkukurrukurroto o nkirikiroto e nkop o nchan ee soito sapuki.