Matayo 24:7 - Samburu

⁷ Keinyuototo locho arare likae ocho, nera nkitoria o nkae nkitoria, nepuku lameii o nkikirikirot e nkop too ng'ojitin kumo.

Matayo 24:7 ပူးပေါင်းရင်းမြစ်များ

Luka 21:11

Naa kepuonu nkikirikirot sapuki nkop, naa kore too lubot pooki e nkop nelotu lameii o nkeyaitin torrok. Nepuonu sii mbaa naaituriaicho o nkitodolunot kutuaa naing'uaa chumata.

Asat 11:28

Kore lobo lenche oji Agabas, neinyuototo aibonu eutaa Ltau Sinyati, ajo kelotu nkolong kitok nkop pooki ee Rroman. Naa ketabayie apa ana te nkitoria e Kilaudio.

Asat 2:19

Naa kaitodolu mbaa e nking'asia te nkeper e nkai, o nkitodolunot naaitodolu nkitoo ai to nkop, lodo o nkima o mpuro nairrucha.

Lburania 12:27

Kore kulo rereii oojo, <>, naa keitodolu ajo kore ntokitin pooki naaitibiruaki naa keikirikirieki neiwuang'ieki metaa ntokitin nemeigusugus ake aapeny naaitachoo.

Mbolunoto 6:12

Kore payie eitai Lkuo leker sarmag e ile, nadol nkikirikiroto kitok oleng e nkop. Neroku ndama ana lkila orok, kore wong'an e lapa nedoru ana lodo.

Mbolunoto 6:5

Kore payie eitai Lkuo leker sarmag e uni, naning inia toki naichu e uni ejo, <> Neitoki mbarta narok aliooi, naa kore ilo oreuta neibung'uta rrantili ta nkaina.

Mbolunoto 6:6

Naning ntoki natuwuana ltoilo eing'uaa atua nenia tokitin ong'uan naaichu naatuwuana ng'uesi ejo, <>

Mbolunoto 6:8

Neliooi mbarta sumatia nanyori, kore ilo oreuta naa keji Lkiye, neirukurukore ꞉Nemeneng'a. Neichori pukura ngolon payie emut ta lalem o te rriai o te nkeeya o tee ng'uesi e soro orati nabo to ong'uan e nkop.