Matayo 24:5 - Samburu

⁵ Amu kepuonu lkumo ta nkarna ai ejo, neitopong'oo lkumo.

Matayo 24:5 ပူးပေါင်းရင်းမြစ်များ

Matayo 24:11

Naa keipung'u loibonok kumo le sapare, nesap lkumo.

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Yoana 5:43

Kayewuo nanu ta mpaach e Papa neitu king'amaa, kake tenelotu likae tung'ani ta mpaach enye makoon, naa ing'amaa.

Yoana 8:24

Naa katiaka ntae iyeye taatua ng'ok inchi, amu tinimikurukuruk aajo kara nanu ilo lara naa iyeye taatua ng'ok inchi.>>

Yoana 8:28

Nejoki ꞉Yeso ninche, <

1 Yoana 2:18

Nakera, etaa nkata e nkiting'oto ana, naa kore ana nitining'o aajo kore ilo oiba Kristo naa kelotuta, eidipa naa taata lkumo ooiba Kristo aaotu. Naa ana oitiei kiteyielounyie aajo ketaa nkata e nkiting'oto.

1 Yoana 2:22

Ng'ae pasa oasapicho mara ake ilo ojo, <>? Kore loiba Kristo naa ilo oany Papa o Nkerai enye.

1 Yoana 4:3

naa kore ilo pooki lemeibalunyie Yeso naa mara le Nkai. Kore ele tau naa le ilo oiba Kristo, litining'o apake aajo kelotu, naa keti abaki taata nkop.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.