42 <
Kore kenya inia parri o inia kata naa meatae hooyia loyielo. Meyielo abaki ꞉lmalaikani le chumata anaa sii Nkerai, mara ake Papa apeny.
Kake enteyielo ana, nchere tanaa keyielo lopeny nkaji nkata e nkuarie nalotu lapurroni, anata meicho nkaji enye metigili.
Naaku enterretenata naa, tankaraki ng'amata nimintiekiki kenya elotunyie Nkerai e Ltung'ani.
Kore epuoito ninche aainyiang'u lata, nelotu loyemicho. Kore nenia naaterretenete, nejing atua nkaji tenebo o ninye aanya latim. Neikeni nkutuk e nkaji.
Entirripicho naa amu, miyielolo kenya inia parri anaa nkata nalotu Nkerai e Ltung'ani.
Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.
Entirripicho nkata pooki, iomonmon, payie indimdim aatapachere nana pooki naapuku, nidimdim aaitacho tekue Nkerai e ltung'ani.>>
Kore sii aitoki iyielolo aajo aa ng'amata ana, etabawua nkata payie inyuotototo aaing'uaa njuo. Amu etinyikua taata njeunoto aang alang apa payie king'asu aairuk.
Entirripicho nintachoo oleng to nkurukoto! Entaa ltung'ana ooirich negol!
Naaku naa, mikilura ana neiko lkulie kake matirripicho nikiparricho aaitibiraki!
Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.
Entaa ltung'ana oaaparricho aitibiraki, nirritata ate amu kore lmang'antita linchi Chitani naa kemanaa ana lng'atuny oipurruto, eyiaya ltung'ani oijioo.
<>
