Matayo 23:34 - Samburu

³⁴ Naaku, karewaki ntae loibonok o ltung'ana ng'eni o layielok loo Lkigerot, naa icheche lbata niarar metuata, nindongdong lkulie tee Sinagogini inchi, nintamtam sina tankaraki nkurukoto enche, irukoo lkerenketi linchi aar.

Matayo 23:34 ပူးပေါင်းရင်းမြစ်များ

Matayo 10:23

Naa teneitam ntae sina te le kerenket tankaraki nkurukoto inchi, eisigaki likae. Amu, nadede ajoki ntae, mindipdip aaimai lkerenketi pooki le Isirael ewuon eitu elotu Nkerai e Ltung'ani.

Matayo 13:52

Nejoki, <>

Matayo 23:31

Naaku itachamaitie maate aajo, irara nkera ee ꞉lolo oaatara loibonok le Nkai.

Luka 24:47

Naa kelikori ta nkarna enye nkibelekenyata nayau mpalikinoto ee ng'ok too lochon pooki, ang'asu te Yerusalem.

Yoana 16:2

Kemirari ntae aaipung'ie tee Sinagogini, naa kelotu nkata naa kore lolo oar ntae entuata, teneas nejia nejo Nkai eisiaita.

Yoana 20:21

Neitoki ꞉Yeso ajoki ninche, <>

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Asat 11:27

Kore tee nenia perot, nepuonu loibonok le Nkai ooing'uaa Yerusalem Antiok.

Asat 12:2

Neichooyo metari lalache le Yoana oji Yakobo ta lalem metua.

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 15:32

Kore Yudas o Silas oaara loibonok le Nkai, neirorie lolo ooiruko Kristo aaitogol oleng.

Asat 5:40

Neipotu lolo Kipaareta meotu. Neidong ninche, nejoki payie mejo ntoki te nkitoo e nkarna e Yeso, nepalaa.

1 Lkorinto 2:6

Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

1 Ltesalonike 2:16

amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.

Lburania 11:37

Netanang'aki lkulie aar metuata too soito, nesachi lbata lenche katare, neri lkulie metuata taa lalema, nebik lkulie eichopito ndapan ee nkineji o nee nkerra, neng'oriki mbaa e nkichon, neitami sina, neri metuata.

Mbolunoto 11:10

Kore ltung'ana oaamanya nkop neng'ida edaa neranyicho, neichooro nkichoorot tankaraki lkiye loo lolo oibonok oare ooitemeito ltung'ana le nkop.