Matayo 15:14 - Samburu

¹⁴ Entapal ninche, amu keimodook, nera larikok loo lmodook. Kore tenerik ltung'ani modooni likae modooni, naa keumakino pukura oare udoto.>>

Matayo 15:14 ပူးပေါင်းရင်းမြစ်များ

Luka 6:39

Neitoki aliki ninche ana kitanyanyukoto, <

Yoana 9:39

Nejoki ꞉Yeso, <>

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

2 Petero 2:1

Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.

2 Petero 2:17

Kore kulo tung'ana naa lchorroi ootimitete nera lopir le nchan ookutaa lkutati. Keitaanyuta ninche ꞉Nkai ng'oji netii naimin piid.

Mbolunoto 19:20

Kake neibung'i inia ng'ues torno tenebo o loiboni le sapare oataasa mbaa kutuaa naaing'asicho tekue inia ng'ues. Kore nenia baa e nking'asia, netasapie ltung'ana pooki ootipikaki lminchire le inia ng'ues, lolo oaatasayia nkitanyanyukoto enye. Nenang'akini eichu inia ng'ues torno o loiboni le sapare mpaso e nkima nailu to ntoki naji salpa.

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.