14 Neipung Lparisayo, neiparakino loseg oarie ninye.
Neiguana tenebo payie etum aaibung'a Yeso to loseg payie ear metua.
Kore payie eaku tasiran, nedung lkutuaa laa laitainok la lasar o lpayiani pooki nkiguana aajo kear Yeso metua.
Mperot are ake naang'or pee eaku Pasaka o ntasim ee mukateni nemeisiichieki, neyieita laitainok kutuaa la lasar o laiteng'enak loo nkitanapat neiko payie eibung Yeso to loseg o neiko payie ear metua.
Neipung Lparisayo nabokata aaiguana tenebo o lolo tung'ana le Erode, aayiaya loseg oaarie Yeso metua.
Neyiaya ꞉lkutuaa laa laitainok la lasar o laiteng'enak loo nkitanapat nkoitiei naarie Yeso metua, amu keurie aajo nyo eidim ltung'ana neas.
Kake kore laiteng'enak loo nkitanapat o Lparisayo negoro oleng, neiguana maate aayiaya mbae naitaas Yeso.
Nerrapu aitoki larikok loo Lyiaudi soito aanang ninye.
Nenyok aitoki aaibung ninye, kake neing'uaa ninche.
Kore ang'asu inia parri, nechamaa larikok loo Lyiaudi aayiaya nkoitiei naarie Yeso metua.
Kore laitainok la lasar o Lparisayo neitanapicho nchere teneatae ltung'ani oyielo netii Yeso, neliki ninche payie etum aaibung'a.
Naa kore tankaraki ana, nenyok aitoki Lyiaudi oleng aajo payie ear ninye metua, amu mara nkitanapata ake apeny e Sabato etigila, kake ketejo kore Nkai naa Papa lenye, aitirisiere koon.
Nenyok ninche aajo embung'a ninye, kake meatae hoo lobo oiseyie ninye, amu ewuon eng'or nkata enye.
Nening ꞉Lparisayo ilo turrur eing'amng'am aaimaki nenia baa naipirita Yeso, Neirruaaya ꞉laitainok kutuaa la lasar o lolo Parisayo, sikarini meibung'a ninye.
Kore apa lbata lenche neyieu payie eibung Yeso, kake meatae hoo lotoochoyie ninye.
Kore te inia kata, nerrapu ninche soito aanang Yeso, kake neisudori ninye, neipung ta nkaji e Nkai.
