Matayo 10:20 - Samburu

²⁰ Amu mara ntae ooiro, kake Ltau le Papa linchi oiro taatua ntae.

Matayo 10:20 ပူးပေါင်းရင်းမြစ်များ

Matayo 6:32

Amu kore nenia pooki, naa keirrana loreren lemeyielo Nkai aayiaya. Kake keyielo ꞉Papa linchi le chumata ajo, iyieu ntae nenia pooki.

Marko 12:36

Ketejo abaki Daudi koon, etuutaka ꞉Ltau Sinyati, > >

Luka 11:13

Amaa sa tiniyielolo ntae oaara torrok aaichoo nkera inchi nkichoorot supati, kebaa sa eitulusoo Papa linchi otii chumata aichoo Ltau Sinyati lolo oomon ninye?>>

Luka 12:12

Amu kore Ltau Sinyati, naa keiteng'en ntae inia kata, inia nayiere nijoijo.>>

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Asat 13:9

Kake kore Saulo oitokini aajo Paulo, eiputa ꞉Ltau Sinyati, neing'or aing'ode ninye

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Asat 28:25

Nejo Paulo mbae nabo e siedi, neinyuototo ninche aapuo teinie, amu ketalakinete aatining'oto maate. Kore natejo Paulo naa ana: <

Asat 4:8

Kore inia kata neiput Petero ꞉Ltau Sinyati nejo, <

Asat 6:10

Kore eirorita Sitepano, nelakino ninche aaitachekinere ng'eno naata o Ltau Sinyati oidimie ninye meiroro,

2 Lkorinto 13:3

Mapal naa ntae tankaraki iyieuu sipsip nchere, keiro Kristo taatua nanu. Mechal Kristo teneoch tanaa teneret ntae, kake keata ngolon taatua ntae

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

2 Petero 1:21

Amu eitu aikata eibonicho tankaraki ake nayieu neibonicho, kake kore netiu, Ltau Sinyati otirikoyie ltung'ana meiroro ake inia naichoo Nkai meiroro.