Matayo 10:15 - Samburu

¹⁵ Kajoki ntae sipata nadede, kore kenya te inia parri e nkiguana, keikachieki nkop e Sodom o Gomora aaitalang ilo kerenket.

Matayo 10:15 ပူးပေါင်းရင်းမြစ်များ

Matayo 12:36

Kajoki naa ntae, kore rerei pooki lemeata tipat ooiro ꞉ltung'ana, naa keipari kenya ta mparri e nkiguana.

Matayo 5:18

Naa kedede kajoki ntae, kore ana metabana neng'ututari chumata o nkop, meatae hooyia sirata anaa lkardati loo nkitanapat oimin eitu eitabari pooki naayieuni.

Matayo 7:22

Kaajoki kenya lkumo te inia parri e nkiguana,

Marko 6:11

Naa kore teneatae ng'oji nemeitoomonieki tanaa nemening'ieki ntae, kore impung'utoto te inie, empiripiroi nterit ee nkejek inchi, metaa nkitodolunoto tee ninche.>>

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

Yoana 6:39

Naa kore nayieu ꞉ilo lairriwua nanu naa payie maiminie lolo laichoo ꞉ninye, kake payie aitipiu te inia parri e nkiting'oto.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Asat 17:31

Amu ketegelua Nkai mparri nabo nadung'okinyie nkop kiguana tee sipat, naa keas ana to ltung'ani otegelua ꞉ninye. Kore sipata naaitodol ltung'ana pooki ajo ketegelua ninye, naa keitipiwua ninye taatua lootuata.>>

1 Lkorinto 3:13

keliooi kenya netiu siaai le pooki ng'ae. Amu kore kenya, keibalunyie inia ꞉parri e nkiguana ilo siaai te nkima, teneimieki siaai oataasa pooki ng'ae inia kima.

1 Ltesalonike 5:4

Kake lalachera o nkanachera, mitii naa ntae atua naimin eji paa keirrachu ntae inia parri ana lapurroni.

Lburania 10:25

Nimikipal mikitumo tenebo ana neasita lkulie, kake entogoloto, naleng idolitata aajo ketinyikua Mparri e Laitoriani.

2 Petero 2:6

Nedung'oki sii lkerenket le Sodom o Gomora nkiguana torno neidakie metaa nkuron, neitaa nkitodolunoto e ntoki naanyita ltung'ana lemeurie ninye.

2 Petero 2:9

Naaku mara keyielo naa ake Laitoriani neiko teneitai taatua ntemat lolo oourie ninye, neitaanyu lolo torrok mparri e Nkiguana, epikita ng'udi?

2 Petero 3:7

Kore ake aitoki te ilo rerei, kerrip Nkai chumata o nkop e taata ana ntoki e tipat. Keitaanyuta nkima ana meyeu inia parri nadung'oki nkiguana nemut ltung'ana lemeurie ninye.

1 Yoana 4:17

Tana eitabayieki nchaman taatua iyioo, payie kitum nkitieunoto ta mparri e nkiguana, amu kore netiu ninye naa nejia sii kitiu iyioo tana kop taata.

Yuda 1:6

Naa nejia sii eikuna ꞉Nkai lolo malaikani, laa kore duo eyiere neitiemu mpaach e nkitoo naatipikaki, neing'uaa ꞉ninche inie ng'oji nayiere payie ewuenie. Neen ꞉Nkai ninche taatua naimin, too lgiitani loo senke lemedung'o aikata, ana metabau kenya nkiguana e inia parri kitok.

Yuda 1:7

Kore sii apa Sodom o Gomora o lkerenketi oonyikita, naa nejia etaasa ninche tana laaduo malaikani. Ketaasa ninche loloito, neitoki aairukurukore ng'uarrat aas ntabo to mboita e sesen. Neaku apa ninche nkitanyanyukoto amu ketudung'okaki nkiguana e nkima ee ntarasi.