Marko 8:38 - Samburu

³⁸ Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>

Marko 8:38 ပူးပေါင်းရင်းမြစ်များ

Matayo 12:39

Newoliki ninche ajoki, <

Matayo 13:41

Kereu kenya ꞉Nkerai e Ltung'ani lmalaikani lenyena meiturrurru taatua nkitoria enye mbaa pooki naaitopong'oo ltung'ana, neitoki aaiturrurru lagilak loo nkitanapat,

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Matayo 16:28

Kedede kajoki ntae, kore atua kulo tung'ana ooitachoo tene, keti ltung'ana lemedol lkiye ewuon eitu edol Nkerai e Ltung'ani elotu te nkitoria enye.>>

Matayo 16:4

Ltung'ana le mpukunoto torno o le mpukunoto nemeata nkurukoto! Iyiaya nkitodolunoto e nking'asia, kake meatae naichori ntae, mara ake nkitodolunoto e Yona.>> Nelamari Yeso aing'uaa ninche.

Matayo 24:30

<

Matayo 25:31

<

Matayo 26:64

Newoliki Yeso ninye ajoki, <>

Matayo 8:20

Newoliki ꞉Yeso ajoki, <>

Marko 13:26

<

Marko 14:62

Nejoki ꞉Yeso, <>

Marko 8:37

Anaa nyo eidim ltung'ani aitapaachie nkurruk enye?

Luka 19:26

Nejoki,

Luka 9:26

Amu kore ilo odol anyit tankaraki nanu o rereii lainien, naa kedol abaki ꞉Nkerai e ltung'ani anyit te ninye, tenelotu to wong'an e nkitoo enye o ne Papa o nee lmalaikani sinyat.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 1:51

Neitoki Yeso ajoki, <>

Yoana 12:34

Nejoki ꞉ilo turrur, <>

Yoana 5:27

Neichoo ninye nkitoria nadung'ie nkiguana amu Nkerai e Ltung'ani ninye.

Asat 10:22

Nejoki ꞉ninche, <>

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Lgalatia 6:14

Kore nanu, mailachie hooyia hae toki mara ake lmusalaba la Laitoriani Yeso Kristo. Naa to nkoitiei e Kristo etechoki nkop, payie maitoki ara le nkop, naatechoki sii nanu paa maaitoki ꞉nkop aatayie nchula.

1 Ltesalonike 2:19

Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae?

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

Lburania 11:16

Kake keng'uarrita apa ninche nkang e chumata nara nkop supat alang inia. Naaku menya ꞉Nkai anyit teneipoti aajo Nkai enche amu keitibiraka ninche nkang te chumata.

Lburania 11:26

Nechamaa meitami anyit ana naitamaki apa Kristo, alang teneng'idakino parakuoicho e Misiri, neipirie nkonyek enyena inia laata kenya natum.

Lburania 13:13

Maipung'o naa taatua nchula ee ltung'ana aapuo neti Yeso, niking'iri anyit natama apa ninye,

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Yoana 2:23

Kore loany Nkerai naa meata abaki Papa, kore loibalunyie Nkerai naa keata sii Papa.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.

Mbolunoto 14:10

meata ajo megorokino ꞉Nkai neiteme oleng, netuwuanai ltung'ani oatamata naichuo nadua nemeituchula natubukoka ꞉Nkai lkikompe. Kore lolo tung'ana, neitemei tekue lmalaikani sinyat o Lkuo leker, te nkima o ntoki naji salpa.