Marko 16:19 - Samburu

¹⁹ Kore pee eidip Laitoriani Yeso airorie ninche, neyai aailiepie chumata. Newuon ta mbata e tetene e Nkai.

Marko 16:19 ပူးပေါင်းရင်းမြစ်များ

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Luka 22:69

Kake kore ang'asu taata, keaku kewuon Nkerai e ltung'ani ta nkaina e tetene e ngolon e Nkai.>>

Luka 9:51

Kore payie enyiku mperot naailiepieki ninye aaya chumata, nemut ajo kelo Yerusalem.

Yoana 13:1

Kore ewuon eng'or ntasim e Pasaka, keteyielo Yeso ajo ketabawua saa enye payie eing'uaa ana kop nelo netii Papa lenye. Naa kore tankaraki nacham ꞉Yeso lolo lenyena tana kop, neitodol nchaman ana metua.

Yoana 16:28

Papa apa aing'uaa nanu, nayewuo nkop. Naa kore aitoki taata, kaing'uarita nkop aloito netii Papa.>>

Yoana 17:13

Kalotuta naa taata nitii, kake kajo kuna baa ewuon atii nkop payie etum ninche ng'ida ai nabore.

Yoana 20:17

Nejoki ꞉Yeso, < >>

Yoana 21:15

Kore payie eidip aatam ndaa, neikonyi ꞉Yeso aitalam Simon Petero lkulikae neipar ajoki, <> Newoliki ajoki, <> Nejoki ꞉Yeso, <>

Yoana 21:22

Newoliki Yeso ajoki, <>

Yoana 6:62

Oo sa tinidoldol Nkerai e Ltung'ani eiliep alo chumata naing'uaa apa?

Asat 1:22

ang'asu ta nkata apa naipatisicho ꞉Yoana, ana metabaki mparri apa nawaki Yeso aaitung'aa iyioo. Kore ilo tung'ani, naa keaku lobo olimu tenebo o iyioo sipata e mpiunoto e lkiye lenye.>>

Asat 2:33

Naa kore payie eiliepieki ninye metowuana ta nkaina e tetene e Nkai, neng'amaa ilo Tau Sinyati ta Papa oitayia apa lekutuk ajo keicharu, naa Yeso eing'uaa nenia nidolitata, nining'itoto.

Asat 3:21

Naa meata ajo meng'amaa ninye ꞉chumata ana metabau kenya inia kata naitaa Nkai ntoki pooki supat ana netiu apake, ana netejo apake too loibonok sinyat lenyena.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Lkolosae 3:1

Kore naa tankaraki keitipiwuaki ntae tenebo o Kristo, eng'oru naa nenia baa e keper, naatii neti Kristo, ewuenita ta nkaina e tetene e Nkai.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.

Lburania 6:20

inie netijing'a apa Yeso oituruko tekue iyioo ta mpaach ang. Ketaa ninye laitainoni kitok la lasar ntarasi ana neikununo apa Melkisedek.

Lburania 7:26

Naaku taa ninye Laitainoni kitok la lasar likiyieu iyioo, ilo oara sinyati, nemeata nakurrieki, nemeata ntioto, netooroyieki taatua loo ng'ok, neiliepunyie ꞉Nkai ninye aitalang pooki ng'ae o pooki toki.

Lburania 8:1

Kore mbae e tipat ee kuna nikijeito naa ana: Ikiata laitainoni kitok la lasar otowuana te chumata te tetene e lorika le nkitoo e Nkai naaisul pooki.

Lburania 9:24

Amu eitu ejing Kristo Ng'oji Sinyati aisul pooki naitibira nkaik ee ltung'ana, inia nara ake nkitanyanyukoto e inia nadede, kake ketijing'a ninye chumata, payie etum taata achomo tekue Nkai eliki ninye mbaa ang.

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.