Marko 13:13 - Samburu

¹³ Naa keibai ntae ltung'ana pooki tankaraki nkarna ai. Kake kore long'iri metabaki nkiting'oto, neitejeuni.

Marko 13:13 ပူးပေါင်းရင်းမြစ်များ

Matayo 10:22

Naa keibai ntae ltung'ana tankaraki nkarna ai. Kake kore long'iri metabaki nkiting'oto, neitejeuni.

Matayo 24:13

Kake kore ilo ong'iri ana metabau nkiting'oto, neitejeuni.

Matayo 24:9

<

Marko 13:12

Keichooyo ꞉lalache likae alache metari metua, neichooyo ꞉menye nkerai, neiwuatuwuatakino ꞉nkera ntoiwuo to ngoro, neichooyo ninche metari metuata.

Luka 21:17

Naa keibai ntae ltung'ana pooki tankaraki nkarna ai,

Luka 6:22

Imayianana teneibai ntae ltung'ana, negelaa ntae, nedek ntae, neitarruorri nkarn inchi tankaraki Nkerai e ltung'ani.

Yoana 15:21

Kake keitaas ninche ntae nenia pooki tankaraki nirara lainien, amu meyielo ꞉ninche ilo laairriwua.

Yoana 17:14

Kaichoo ninche rerei lino, neibayie ꞉nkop ninche tankaraki namara lena nkop, ana namara nanu lena nkop.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Lgalatia 6:9

Naa mikinauru kias mbaa supati, amu kore teneitu kinauru taa ltauja, naa iking'amaa laare ta nkata nalotu.

Lburania 10:39

Kake mikira iyioo lolo ooiwuatuwuata aarrinyo siedi, kake ikiata nkurukoto naa ikitum nkichui ee ntarasi neiteng'elakaki iyioo.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Yakobo 1:12

Kemayiana ilo tung'ani ong'iri taatua sinaitin ooitami, amu kore payie eidip aimai sina, netum nkopiyia e nkisulata aa taa nkichon ee ntarasi, naitayia Nkai lekutuk ajo keicho lolo oaacham ninye.

1 Yoana 3:13

Eming'asia lalachera lainien tanaa keiba ntae nkop.

Mbolunoto 2:10

Emiurie nenia baa, nemeata ajo metum ntae. Enteyielo naa aajo kenang'aki ꞉Chitani lbata linchi atua jila payie etumi aatasaan ntae, niimaa ilo sina mperot tomon. Kake entaa loosiligai ta nanu, abaki tanaa keri ntae entuata. Kore nkopiyia e nkisulata naicho ntae naa nkichon ee ntarasi.

Mbolunoto 3:10

<<