Luka 9:26 - Samburu

²⁶ Amu kore ilo odol anyit tankaraki nanu o rereii lainien, naa kedol abaki ꞉Nkerai e ltung'ani anyit te ninye, tenelotu to wong'an e nkitoo enye o ne Papa o nee lmalaikani sinyat.

Luka 9:26 ပူးပေါင်းရင်းမြစ်များ

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Matayo 25:31

<

Matayo 26:64

Newoliki Yeso ninye ajoki, <>

Marko 8:38

Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>

Yoana 12:43

Amu kore apa ninche, kecham rrepeta ee ltung'ana aaitalang ne Nkai.

Yoana 5:44

Aji inkoko ntae tinirukuruk ooichooro rrepeta maate, niminyoknyok aang'amaa rrepeta naaing'uaa Nkai, inia ake nabo nadede?

Asat 10:22

Nejoki ꞉ninche, <>

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

2 Lkorinto 12:10

Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

Lgalatia 6:14

Kore nanu, mailachie hooyia hae toki mara ake lmusalaba la Laitoriani Yeso Kristo. Naa to nkoitiei e Kristo etechoki nkop, payie maitoki ara le nkop, naatechoki sii nanu paa maaitoki ꞉nkop aatayie nchula.

1 Timoti 5:21

Kaaitanap iyie katukul tekue Nkai o Kristo Yeso o lmalaikani oogeluno, payie iimbung kuna kitanapat, nimidung mbae nimisip, nimiata ngela.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 2:12

Tanaa iking'iri, naa ikintoricho kenya tenebo o ninye. Naa tanaa ikimiki ninye, nemiki sii kenya ninye iyioo.

Lburania 11:26

Nechamaa meitami anyit ana naitamaki apa Kristo, alang teneng'idakino parakuoicho e Misiri, neipirie nkonyek enyena inia laata kenya natum.

Lburania 13:13

Maipung'o naa taatua nchula ee ltung'ana aapuo neti Yeso, niking'iri anyit natama apa ninye,

Yuda 1:14

Kore apa Enok, ilo laa le ntowuo e sapa ta Adam, naa keibonua mbaa naaipirita tung'ana laijo kulo ejo, <

Mbolunoto 1:7

Ng'ura! Kelotu tee nkidisin, naa kedol ꞉nkong'u pooki ninye, abaki lolo apa ooteremo, naa keichir ltung'ana pooki le nkop tankaraki ninye. Ee keaku nejia!

Mbolunoto 20:11

Naitoki adol lorika sapuk oibor le nkitoo o ilo ewuenita. Kore chumata o nkop neisig aapuo aaing'uaa ilo owuenita to lorika le nkitoo neitu edoli aitoki aikata.

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

Mbolunoto 3:5

Kore ilo ooisul, naa keichop nankan naaibor. Namaitai aikata nkarna enye to mbuku natii nkarn ee lolo oaata nkichui ee ntarasi. Naa kaibalie tekue Papa lai o tekue lmalaikani lenyena ajo lalai ninye.