Luka 8:13 - Samburu

¹³ Kore lootii lkarkar naa lolo ooning, laa kore tenening ilo rerei neng'amaa te ng'ida. Kake meata ninche ntana, keiruk nkiti kata, kore payie etum ntemat nerriaa.

Luka 8:13 ပူးပေါင်းရင်းမြစ်များ

Marko 6:20

amu keurie apa ꞉Erode Yoana, nerripito ninye, amu keyielo ajo kera ltung'ani loosipat naa sinyati. Nenyamalu oleng teneinining Yoana, kake kecham ainining'o ninye.

Luka 8:12

Kore lolo ootodokita nkoitiei naa lootining'o, nelotu Chitani aitai ilo rerei taatua ltauja lenche, payie meiruk nejeu.

Luka 8:14

Kore lolo ootodokita atua lkuku naa looning, negor nyamali ee ltauja o parakuoicho o rraa e nkichon. Nemeiu ꞉ninche lng'anayio ooku.

Yoana 15:2

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Yoana 15:6

Kore pooki ng'ae lemewuon taatua nanu, netuwuana lng'asula onang'ari metoyio. Kore lng'asul ootuwuana lolo naa keiturruri nenang'akini nkima, nepejori.

Yoana 5:35

Kore apa ninye naa kera lkilang'ilang'et oilu neong, niyieuu ning'idakinono wong'an enye te nkiti kata.

1 Lkorinto 13:2

Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

1 Lkorinto 15:2

Kulo Omon Supati latilika ntae ooitejeu ntae, tinimbung'bung aitibiraki, peechu naa pecheu apake iruko.

Lgalatia 3:1

Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Lgalatia 3:4

Keitamaki apa ntae sina kitok owuenyi pecheu? Majo nanu pecheu.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 2:7

ninchocho metaa ninye nkitamanyunoto naunie neitubulunyie ntae Nkai. Entacho taatua nkurukoto ang, ana naiteng'enaki ntae nimipalpal inchocho Nkai nache.

1 Ltesalonike 3:5

Tankaraki inia, kore payie eaku merokure aidim ating'iria, nareu Timoti payie ayielou nkurukoto inchi, aurie ajo kebaki netetema ntae ilo atemani, netaa siaai lang le pecheu.

1 Timoti 1:19

imbung'uta nkurukoto niyielo ta ltau lino ajo miata nikikurrieki. Ketii lbata ootabarakita aany inia dedei naibala taa ltauja lenche, neidakie nkurukoto enche.

Lburania 10:39

Kake mikira iyioo lolo ooiwuatuwuata aarrinyo siedi, kake ikiata nkurukoto naa ikitum nkichui ee ntarasi neiteng'elakaki iyioo.

Yakobo 2:26

Kore ana natua sesen lemetii nkiyeng'et, nejia sii etiu, kore nkurukoto nemeata asat naa ketua.

2 Petero 2:20

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

2 Petero 2:22

Kore nataasa ninche naa ana nejoito kuna dung'eta e rache nchere, <>, naa <>

1 Yoana 2:19

Keipung'o ninche taatua iyioo, kake mara apake lkulalang. Amu tanaa kera lkulalang, anata etii tenebo o iyioo. Kake keipung'o aaing'uaa iyioo payie etumi aateyielo aajo mara pooki ng'ae oara lalang.

Yuda 1:12

Kore kulo tung'ana naa soito oopi ooricho le atua nkare. Lolo laa kore too sukukuuni linchi nedaa tenebo o ntae meata nkanyit, aa ate aapeny eing'or. Kera nkidis nemecha naya siwuo, nera sii lkeek lemeata lng'anayio nkata e ndung'ore, ootuata katare netodotunyie taa ntana.