Luka 4:40 - Samburu

⁴⁰ Kore edooyo ndama, neyau ꞉lolo pooki oaata ltamoyia oaata moyianitin ee mpukunot naapaapaacha netii ninye, neichiunyie pooki ng'ae omuai eiteleki nkaik enyena.

Luka 4:40 ပူးပေါင်းရင်းမြစ်များ

Matayo 11:5

Etodolichete lmodook, epuo lootigiligilete tee nkejek, eichiunyieki loata moyian ee lbolot, etining'ichete lming'anak, naa keitipiutae lootuata, nelikini laisinak Lomon Supati.

Matayo 14:13

Kore payie ening Yeso nenia baa, nelo aing'uaa inie te meli o loochi ooiteng'eni lenyena, aawueni to ng'oji neliyio aa ninche aapeny. Kake kore tankaraki natining'o ꞉lturrurri inie nechomo, nechep mpaso aairukurukore ninye tee nkejek eing'uaa lkerenketi lenche.

Marko 3:10

Amu /keichiunyie apa lkumo, metaa kore lolo pooki oata moyianitin, nediding'unye aayiaya nkoitiei naiseyie ninye.

Marko 5:23

nelej ninye oleng ejo, <>

Marko 6:5

Naaku eitu eidim ninye ataasa hooyia mbaa e nking'asia teinie, mara ake lolo kuti tamoyia ooiteleka nkaik, neichiu ninche.

Asat 19:12

metaa kore nkitampaani o nankan naaiseyie sesen lenye, nepuo aaiteleki ltamoyia, neichiu moyianitin, neipung'u sii lairiruani aaing'uaa ninche.

Asat 5:15

Naa kore tankaraki kuna baa, neyau ꞉ltung'ana ltamoyia lketiketi lo lkerenket, neiteper too nkusoreta o lchonito, metaa kore eimita Petero inie, kore ake ltung'ani owochoo ꞉loip lenye, neichiu.