Luka 1:17 - Samburu

¹⁷ Neituruk tekue Laitoriani, to mpukunoto o to ngolon ee Elija, paa kore ltauja loo loo menye, neiwuatuwuataki nkera enche. Neiwuatuwuataki sii ltung'ana lemening'icho ng'eno ee ltung'ana loosipat, neitibiraki Laitoriani ltung'ana ooterretenete.>>

Luka 1:17 ပူးပေါင်းရင်းမြစ်များ

Matayo 11:14

Oi siake tanaa ing'amaa, amu ninye Elija apa olotu.

Matayo 14:4

Amu kejokita apake ꞉Yoana ninye, <>

Matayo 3:3

Amu ele apa eiroroki mbaa enyena to loiboni le Nkai Isaya, < >>

Matayo 3:4

Kore Yoana, neichopito nkilani naaitibirieki lpapit le ntames, nerretenita nkimeente e nchoni te nkiji enye. Kore ndaa enye naa lmaat o naichuo e soro.

Luka 1:16

Naa kerrinyoki ꞉ninye ltung'ana le Isirael kumo netii Laitoriani Nkai enche.

Luka 1:76

Kore iyie nkerai ai, naa ikiji loiboni le Ilo ooisul pooki, tankaraki inturuk tekue Laitoriani nintorioo nkoitieii enyena,

Yoana 1:13

Ketiiwuaki ninche metaa nkera e Nkai, kake mara te ichoi e ltung'ani. Namara sii te yieunoto ee ltung'ana etiiwuaki ninche tanaa sii ne lee, kake Nkai makoon natiiwua ninche.

Yoana 1:34

Kore ana, naa Katoduaa, nalikoo sipata nchere kera ninye Nkerai e Nkai.>>

Yoana 3:28

Iatata ntae maate sipata nchere katejo,

Asat 10:33

Naaipotu naa iyie wou nabokata, naa itaasa ntoki supat iyewuo. Naaku naa ikiotuo pooki tekue Nkai, payie kitum aatining inia nikitiaka Laitoriani.>>

Rroman 9:23

Ketaasa sii inia payie eitodolu nowua nkitoo enye too lolo ooing'urrieki, lolo ooitibira apake payie etum ꞉ninche inia kitoo.

2 Timoti 2:21

Kore pooki ng'ae oitoorere koon nenia tokitin torrok, naa keaku masaaita naasieki siaai le tipat, naitaaki sinyati, nera ne reto to lkitok lenye, neidim lkitok lenye ataasichere te siaai pooki supat.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.

Mbolunoto 20:4

Naitoki adol lorikan le nkitoo naa kore lolo oowuenita neichooki nkitoria meitoreicho. Nadol aitoki ltauja loo lolo apa ootudung'oki lgoso tankaraki limunoto e Yeso naitaitua o tankaraki rerei le Nkai. Eitu esai ꞉ninche inia ng'ues torno o nkitanyanyukoto enye neitu eng'amaa lminchire lenye too nkomomi tanaa taa nkaik enche. Nepiu ninche, neitoricho tenebo o Kristo larin 1,000.