Lpilipi 4:8 - Samburu

⁸ Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.

Lpilipi 4:8 ပူးပေါင်းရင်းမြစ်များ

Matayo 22:16

Neirruaaya looiteng'eni lenche tenebo o lolo otii mbata e Erode netii Yeso, nejoki, <

Marko 6:20

amu keurie apa ꞉Erode Yoana, nerripito ninye, amu keyielo ajo kera ltung'ani loosipat naa sinyati. Nenyamalu oleng teneinining Yoana, kake kecham ainining'o ninye.

Luka 16:15

Nejoki ꞉Yeso, <

Luka 2:25

Eti apa Yerusalem ltung'ani oji nkarna enye Simion, nera ltung'ani loosipat neurie Nkai. Neanyuta payie eitogoli ltauja loo ltung'ana le Isirael, netii Ltau Sinyati tenebo o ninye.

Luka 23:50

Keatae apa ltung'ani obo oji nkarna Yosep, oing'uaa lkerenket loo Lyiaudi oji Arimataya. Kera lobo loo lkiama, naa supat nera loosipat. Neitu echamaa inia apa nayieu ꞉ninche o asata enche. Naa keanyuta nkitoria e Nkai.

Yoana 7:18

Kore ilo oiro mbaa enyena, neing'uraki koon rrepeta, kake kore ꞉ilo oing'oru rrepeta naayaki ilo oirriwua, naa loosipat ninye, nemetii sapare atua ninye.

Asat 10:22

Nejoki ꞉ninche, <>

Asat 22:12

<

Asat 6:3

Naaku naa lalachera, entegelu taatua ntae lewa sapa liyielolo aajo keipida mbaa nebore Ltau Sinyati o ng'eno, likipik nkaik enche ele siaai.

Rroman 13:13

Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom,

Rroman 13:3

Amu meituria ꞉lolo ooitoricho ltung'ani oas supati, kake keituria ilo oas mbaa torrok. Kore tanaa miyieu niuriei lolo ooitoricho, taasa naa supati payie kirrep ꞉ninche,

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.

Rroman 2:29

kake kore ilo oara Lyiaudii odede, naa ilo oara ta ltau, naa kore muratare nadede naa inia muratare e ltau. Kore ilo omurat ltau, naa Ltau sinyati le Nkai mara sirat ee nkitanapat. Kore ilo tung'ani naa ta Nkai eng'amaa rrepet, namara too ltung'ana.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

2 Lkorinto 13:7

Ikiomonoki ntae Nkai payie miasias hoo ntoki torno, namara taa payie etuwuana ikiima ntemata, kake payie iasias ntae mbaa naaichiaakino abaki etuwuana eitu kiim iyioo.

2 Lkorinto 6:8

Ikintodolu naa aajo ikisiaaita Nkai oo eyanyiti iyioo tanaa emeni, oo eitarruorri iyioo nkarn tanaa errepi. Kewaki iyioo ana ltung'ana oasapicho kake nikiro iyioo sipata,

2 Lkorinto 8:18

Naaku ikireuta likae alache tenebo o ninye, orrepitae taa nkanisani pooki tankaraki siaai loo Lomon Supati oaasita.

2 Lkorinto 8:21

Amu mara ake tekue Laitoriani apeny kiyieu iyioo payie kias sipat, kake abaki tekue ltung'ana.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Epeso 4:25

Naaku entapal sapare, nemeata lemeirorie likae te ndedei, amu ikira pooki rubat e sesen obo, nemeata nemeyieu reto e nkae.

Epeso 5:9

Amu kore wong'an naa keiu mbaa pooki supati o mbaa ee sipat o mbaa naadede.

Epeso 6:14

Entachoto naa iterretena nkijii inchi te ndedei, ninchopo long'o lo lgoo le sipata,

Lpilipi 3:1

Kore aitoki lalachera o nkanachera ainien, enting'idata taatua Laitoriani. Mainauru aigeroki ntae mbaa naigeroka apa amu tanaigeroki ntae, naa keret ntae inia payie mirriaa.

Lkolosae 4:5

Entewueni te ng'eno o ltung'ana lamara le Kristo, iasicherere nkata aaitibiraki.

1 Ltesalonike 4:12

payie iwuenini to nkoitiei naipida nemeata ltung'ani lisiliglig tee yieunot inchi.

1 Timoti 2:2

Kaitaarriyianicho metaasi inia too lkinkii o too lolo pooki otii nkitoria payie kiwueni to mborron o te seriani tee nkichoni ang, kiurie Nkai nikitum nkanyit to ntoki pooki nikias.

1 Timoti 3:11

Kore sii ntomonok enche, naa keyiere payie era naayanyitai, namara nairo mbaa torrok too lkulie tung'ana, neipidari, neisiligai taatua mbaa pooki.

1 Timoti 3:4

neyiere payie era ltung'ani oidim ataramata nkang enye, neiteng'en nkera enyena to nkoitiei supat, meyanyita nening ninye katukul.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

1 Timoti 5:2

nirorie ntomonok arrarrin ana ninko ng'utunyi o ntomonok leleru ana ninko nkanachera inono, te sinyaticho pooki.

Tito 1:8

Meata ajo mera ltung'ani oitoomonicho, necham mbaa supati, neibooyo koon.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Tito 2:2

intaarriyian lpayiani arrarrin metaa looiririki mbaa, neiririkino nkanyit, netem mbaa, neichiaari mbaa to nkurukoto o te nchaman neata ng'iriata nairirikino.

Tito 2:7

Kore taa mbaa pooki, ntodolu koon aaku nkitanyanyukoto naduaari taa asat supati. Tininteng'enicho, nteng'enicho ta nkanyit metii ndala,

Tito 3:14

Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.

Lburania 11:2

Naa tankaraki apa naata lmakui lang nkurukoto payie eterrepa ꞉Nkai ninche.

Lburania 13:18

Entoomonoki iyioo amu ikisip aajo mikiata nakurrieki iyioo, tankaraki ikiyieu nikias naaichiaakino taa mbaa pooki.

Yakobo 1:27

Kore yielounoto e Nkai naiken ꞉Nkai Papa lang ajo kedede, naa inia nairrita nkera okichono o nkoilia tee sinaitin lenche, neirrita koon payie mejing atua ntorroni nati nkop.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 2:12

Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

1 Petero 4:8

Kore nalang pooki, entachamata katukul, amu kejutoo ꞉nchaman ng'ok kumo.

2 Petero 3:1

Ltung'ana lainien lacham, kore ana palai, naa mpalai ai e are naigeroka ntae. Naa kore too kuna pala pukura, kasaan aputu ntae entaparricho taa mparrunot inchi supati!

1 Yoana 3:18

Nakera ainien, mikiaku loaacham to nkutuk o te rerei ake, kake matacham taa asat o te ndedei!

1 Yoana 3:3

Naa kore pooki oata ilo siligi te ninye naa keitisiny koon ana payie era ninye sinyati.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.