Lpilipi 4:17 - Samburu

¹⁷ Namara taa nkichoorot ayieita, kake kayieu payie ing'amaa mayianat naatum ꞉ilo oichooyo.

Lpilipi 4:17 ပူးပေါင်းရင်းမြစ်များ

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 15:8

Kore tinitumtum lng'anayio kumo niakuku looiteng'eni lainien, netum Papa lai nkisisa.

Rroman 15:28

Kore naa tanaidip aitabaki ninche ntokitin pooki naatobosuaki, naimu ntae aloito kue abaki nkop e Sipein,

2 Lkorinto 11:16

Kaitoki taa ake ajo emijo lmadai ara tanairo aiko inchi, kake tanaa ijoijo lmadai ara, enining'ooki naa ake ana ninkoko tininining lmadai, payie atum aikarra peneu.

2 Lkorinto 9:5

Naaku inia payie adol nanu ajo keichiaakino payie aomon kulo alachera metang'asa aaisabaki ntae ewuon eitu alotu nanu. Naa siaai lenche payie eitabaya ilo lekutuk loo nkichoorot nintaitua, metaa kore tanalotu neidipaki aatobosu nenia kichoorot pooki, namara te mpiani kake te leng'on.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 4:11

Namajoito taa nejia tankaraki naatong'orika, amu katomoo aaitiemu inia naata.

1 Ltesalonike 2:5

Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang.

1 Timoti 3:3

namara lamerani, nemericho kake kebor, nemeichankara, nemelubo ropiyiani,

1 Timoti 6:10

Amu kore lubo ee ropiyiani naa ninye eing'uaa ntorrok pooki. Kore ltung'ana lbata ereuta inia lubo ee ropiyiani, nepong'ori to nkurukoto neyaki ate sina kitok.

Tito 1:7

Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani.

Tito 3:14

Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.

Lburania 6:10

Kore Nkai naa keisiligai, merikino nitaasa o nchaman nintoduaita ninye, payie iretret ltung'ana lenyena sinyat, newuon ake ipuoitoto kue aaret ninche.

1 Petero 5:2

Errita mboo e Nkai natung'aka ninye ntae entaa laing'urak. Naa kore iasitata inia, eng'ura ninche, mara ana nayieunyieki ntae te ele siaai kake tankaraki nichamaa ilo siaai ana nayieu Nkai, namara sii payie itumiemie ntoki kake tankaraki nichamcham aaisiaayia ninche.

2 Petero 2:15

Ketung'aitie ninche nkiteng'ena nadede, nepong'ori aairukurukore nkoitiei e Balam layieni le Beor, oacham apa ropiyiani naalaki to ntorno naas.

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

Yuda 1:11

Oi siake ninche! Amu keima nkoitiei e Kain, netapalikita ate ntorno e Balam, aa inia torno taa e lubo nayieu payie elaki. Netanya ꞉ninche Kristo, neidakieki tana neikunaki Kora payie eany Musa.