Lpilipi 3:8 - Samburu

⁸ Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Lpilipi 3:8 ပူးပေါင်းရင်းမြစ်များ

Luka 1:43

Aanyo payie aaitaasaki nanu ana, eji paa, ng'otonye Laitoriani lai nalotu natii?

Luka 11:20

Kake tanaa kaaraa nanu lairiruani to ngolon e Nkai, naaku eidipa nkitoria e Nkai ayeu nitii.

Yoana 14:20

Kore payie ebau inia parri, niyielouu aajo kati nanu atua Papa lai, nitii ntae atua nanu, natii sii nanu atua ntae.

Yoana 14:7

Kore tanaa ikiteyieloto nanu, iyielou sii Papa lai. Kore ang'asu taata iyielolo ninye, nitoduaa sii ninye.>>

Yoana 16:3

Kore lolo tung'ana naa keas nejia amu meyielo Papa, namaayielo sii nanu.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 17:8

Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 20:13

Neipar aajoki, <> Newoliki ajoki, <>

Yoana 20:28

Newoliki ꞉Tomas ajoki, <>

Asat 20:24

Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.

Rroman 8:18

Kadol ajo kore sina le ng'amata e taata, naa meitoki tenetemieki inia kitoo naibalunyieki kenya metaa nanang.

Rroman 8:39

namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

1 Lkorinto 2:2

Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba.

1 Lkorinto 9:10

Mara tankaraki iyioo apake payie etejo Nkai ana? Ee kedede tankaraki iyioo eigero, amu kore ilo oturucho o ilo ooidong nkano neasita siaai eata siligi payie eng'ar tenebo ndung'ore.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

Lgalatia 1:16

payie aaboloki mateyielo Nkerai enye, paatum atiliki loreren Lomon Supati lenyena. Kore inia kata, neitu ayiaya nkitaarriyiana nabokata to ltung'ani,

Epeso 4:13

ana matum pooki naboicho e nkurukoto o ne yielounoto e Nkerai e Nkai, nikibulu tenebo aabotoru ana matitiu katukul ana netiu Kristo.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lpilipi 3:10

payie ayielou Kristo oleng, nayielou sii inia ngolon naitipiwua ninye aitung'aa lootuata. Nayielou sii netiu tanang'arie sina, natuwuanai ninye te lkiye lenye,

Lpilipi 3:12

Majo taa nanu kaidipa atumo inia tanaa sii kaitabayie, kake kanyokita abaya payie atum aibung'a inia metaa nanai tankaraki kaaibung'a sii apa ꞉Kristo Yeso.

Lpilipi 3:7

Naaku kore apa nenia tokitin pooki naikena ajo dupoto, aikena taata ajo ntokitin e pecheu tankaraki Kristo.

2 Timoti 4:6

Amu etabawua nkata naye, neisuari nkichui ai ana lasar.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

1 Petero 2:7

Naaku itumtum kenya ntae ooiruk rrepeta, kake kore too lolo lemeiruk nchi ejo lkigerot, <

2 Petero 1:2

Metoponiki Nkai ntae munyani o seriani, ipuopuo kue aayielou ninye o Yeso Laitoriani lang.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 1:8

Naa kore tanaa iatata kuna pooki, nebulaa taatua ntae, naaku miakuku ltung'ana oaachal lemeiu lng'anayio laa asat supati, kake iyielouu Laitoriani lang Yeso Kristo oleng.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

1 Yoana 2:19

Keipung'o ninche taatua iyioo, kake mara apake lkulalang. Amu tanaa kera lkulalang, anata etii tenebo o iyioo. Kake keipung'o aaing'uaa iyioo payie etumi aateyielo aajo mara pooki ng'ae oara lalang.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.