Lpilipi 3:18 - Samburu

¹⁸ Amu katilika ntae ana bae nkatitin kumo, naa kaitoki ake taata aliki ntae too lkiyio, nchere keatae ltung'ana kumo oaara lmang'ati loo lomon ooipirita lmusalaba le Kristo.

Lpilipi 3:18 ပူးပေါင်းရင်းမြစ်များ

Luka 19:41

Kore naa payie enyikaki ꞉Yeso Yerusalem, nedol neichiraki

Asat 20:19

Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua.

Rroman 9:2

Kaisinanio oleng naata mion nemeyagari taatua ltau lai.

1 Lkorinto 1:18

Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai.

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

2 Lkorinto 11:13

Kore ltung'ana laijo lolo, naa lkipaareta le sapare ninche, nera laisiaayiak oasapicho, nera ltung'ana ooibelekeny ate aaitaakino lkipaareta le Kristo.

2 Lkorinto 11:29

Ng'ae ilo oachal payie maiseyie inia chalan enye? Amaa tenetopong'ori ltung'ani, mara kaning mion oleng ta ltau lai?

2 Lkorinto 2:4

Naa kaigeroka ntae aata ltau oirochi nenyamal, naata lkiyioi namara payie aaitanyamal ntae, kake payie iyielou neba nchaman nacham ntae.

Lgalatia 1:7

Amu meatae lkulie omon supati, kake keitanyamalita ntae lkulie tung'ana, neyieu neibelekeny Lomon Supati le Kristo.

Lgalatia 2:14

Kore payie adol nchere measita ꞉ninche ana nairirikino te ndedei ee Lomon Supati, najoki Kepa tekue ltung'ana pooki, <>

Lgalatia 2:21

Maany munyani e Nkai, amu tanaa apa nkitanapat eikenakinyieki ltung'ana sipat, naa ketua naake Kristo pecheu.

Lgalatia 5:21

o nkiba tankaraki naata likae ntoki o merai o lubo o mbaa nainyinyukore nenia. Kajoki ntae, ana apake natiaka ntae tekue, nchere kore lolo oaas nenia baa naa mejung mayian e nkitoria e Nkai.

Lgalatia 6:12

Kore lolo ooyieu neilachie nenia mbaa e sesen, neisimaki ntae muratare, naa keas ake inia payie meitami ninche sina tankaraki lomon lo lmusalaba le Kristo.

Lgalatia 6:14

Kore nanu, mailachie hooyia hae toki mara ake lmusalaba la Laitoriani Yeso Kristo. Naa to nkoitiei e Kristo etechoki nkop, payie maitoki ara le nkop, naatechoki sii nanu paa maaitoki ꞉nkop aatayie nchula.

Epeso 4:17

Naaku kajoki ntae ana, naitarrap ntae ta nkarna e Laitoriani, nchere payie mintokiki katukul aawueni ana neiko loreren lemeyielo Nkai ooirukurukore mparrunot enche e pecheu.

Lpilipi 1:4

Naa kore chiaake tanaomonoki ntae pooki, naomon te ng'ida

1 Ltesalonike 4:6

Naaku kore tana bae, meatae ltung'ani oitarroki nesap lalache tanaa nkanache enye, amu Laitoriani oitalaku nenia pooki ana apake nikitilikita ntae tekue, niking'ode sii ntae aaitaarriyian.

2 Ltesalonike 3:11

Amu ikining nchere ketii lkulie linchi oowueni te nchalan, nemeitoki eas mara ake peeirriki ate atua mbaa namara nkunenche.

2 Petero 2:10

Naa keiteme ꞉Nkai oleng lolo tung'ana torrok oopuoyie mpukunoto torno e ltung'ani eirukurukore ng'uarrat naayau mutai, nemen Laitoriani. Kore kulo tung'ana naa meitoki eurie, mbaa enche ake eparraa nemeurie abaki edek lolo oaata nkitoo te chumata.

Yuda 1:13

Naa laing'ok le nkare ninche oaanang'u labur le asat enche e anyit, nera lakir oong'orori. Naa keitibirakaki apake ninche negut e naimin ee ntarasi.