Lpilipi 2:22 - Samburu

²² Kake itisiputua ntae maate ajo ketaasa aitibiraki siaai aitubulaa Lomon Supati tenebo o nanu ana neiko nkerai teneasicho o menye.

Lpilipi 2:22 ပူးပေါင်းရင်းမြစ်များ

Asat 16:2

Kore lolo ooiruko Kristo otii lkerenket le Lisitira o lolo otii Ikoniam, nelimu mbaa supati naaipirita Timoti.

Rroman 5:4

naa kore kiata ng'iriata neidimie iyioo mataa ltung'ana lemeigusgusieki, naa kore payie kiaku ltung'ana lemeigusgusieki nikitum siligi.

1 Lkorinto 16:10

Kore tenelotu Timoti nitii, enchoo metaa kewuon taatua ntae meata ntoki naurie, amu Laitoriani sii eisiaaita ꞉ninye ana nanu.

1 Lkorinto 4:17

naa tankaraki inia payie airruaaka ntae Timoti, nkerai ai nacham naisiligai ta Laitoriani. Keitaparru ntae naikunari tanairukurukore Yeso Kristo, ana naiteng'enicho chiaake taa nkanisani to ng'oji pooki.

2 Lkorinto 2:9

Kaigeroka apa ntae payie atum atisipu nkitachoto inchi, nayielou tanaa ikiningining menya ajo nyo ajoki ntae.

2 Lkorinto 8:22

Kore sii aitoki ikireuta likae alache lang tenebo o ninche, likitisiputua too nkoitieii kumo o taa nkatitin kumo aajo keata yieuna naasie siaai e Nkai. Nelus naa taata tankaraki keata siligi kitok taa ntae.

2 Lkorinto 8:24

Naaku entoduaa ninche nchaman inchi, payie edol nkanisani neyielou aajo kedede rrepeta nikirrepita ntae.

2 Lkorinto 8:8

Majoito taa nchere eji meata ajo miasias inia, kake kore payie alikita ntae nyuata ee lkulie naa payie atum atetema ntae asipu tanaa kedede nchaman inchi.

Lpilipi 1:12

Kayieu niyielouu lalachera lainien, nchere kore mbaa naatupukokita nanu naa keteretutua katukul aaitubulaa Lomon Supati,

Lpilipi 1:16

Kore lolo naa te nchaman eas nejia amu keyielo aajo kaategelua nanu Nkai matong'oro Lomon Supati.

Lpilipi 1:5

tankaraki ninkuna tinikiretiret te siaai ee Lomon Supati ang'asu apake mparri ekue o taata.

Lpilipi 1:7

Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.

Lpilipi 2:20

Maata likae tung'ani oata mbaa inchi taatua ltau lenye katukul ana ninye.

1 Timoti 1:18

Kaaichoo naa iyie Timoti nkerai ai ana kitaarriyiana te risioroto ee rereii le naibon likimpirita iyie, paa kore iparraa ninche, nindim atama ilo arrabal supat loo Lomon Supati,

1 Timoti 1:2

Kaairoroki iyie Timoti nkerai ai nadede taatua nkurukoto. Metaa munyani o lng'ur o seriani naing'uaa Nkai Papa o Kristo Yeso Laitoriani lang, tenebo o iyie.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.